Pas sulmit ndaj infermierëve në Spitalin e Mitrovicë, nesër mbahet protestë

Pas njoftimit të marr nga ana e Sindikatës së Spitalit Rajonal Mitrovicë se me datë 04 dhjetor rreth orës 20:00 janë sulmuar fizikisht dy punëtorë shëndetësor-infermierë (anëtarëve te FSSHK-së) në vendin e punese me iniciale F.M dhe A.H, të cilët kanë marrë lëndime trupore nga familjarët e pacientëve,

Federata e Sindikatave të Shëndetësisë së Kosovës përmes këtij reagimi dënon ashpër sulmin e ushtruar me të cilin janë duke u ballafaquar punëtorët shëndetësor në Spitalin e Mitrovicës.

“Pas sulmit Sindikata e Spitalit të Mitrovicës do të organizon nesër protestë 30 minutshe para Objektit të Spitalit Regjional të Mitrovicës prej orës 8:30 -09:00, e cila është përkrahur edhe nga organet qendrore të FSSHK-së. Kjo protestë organizohet në shenjë solidarizimi me profesionistët shëndetësor të cilët sulmohen në vendin e punës respektivisht në Emergjencë.

Lexo po ashtu Sulmojnë infermierët në Mitrovicë, arrestohen dy persona

FSSHK në vazhdimësi ka ngritur zërin e saj për të gjitha rastet e dhunës së ushtruar ndaj punëtorëve shëndetësor, kërcënimeve dhe shantazheve të cilat ndikojnë drejtpërsëdrejti në ushtrimin e profesionit por edhe ofrimin e shërbimeve shëndetësore”, thuhet në njoftim.

FSSHK kërkon nga Organet e Drejtësisë të merren me rastin në fjalë dhe sulmuesit e profesionistëve shëndetësor të nxjerrin si përgjegjës.

FSSHK do të përdorë të gjithë autoritetin në mbrojtje të punëtorëve shëndetësor dhe anëtarëve të saj.

Lexo po ashtu Sulmohen dy infermierë në Spitalin e Mitrovicës, reagon SHSKUK

“Ngrisim zërin tonë, të vendosur që të mbrojmë dinjitetin dhe vlerën njerëzore, që një herë e përgjithmonë këto veprime barbare të ndalen dhe të gjejnë dënimin meritor për kryerësit e këtyre veprimeve”, thuhet më tej në njoftim. /Telegrafi/