Ministri i Arsimit Shkencës dhe Teknologjisë, Shyqiri Bytyqi ka folur për rezultatet e PISA-s 2018, të publikuara sot, ndërsa ka thënë se nuk janë të kënaqur me rezultatet e testit PISA 2018.
Bytyqi në një konferencë për media ka thënë se megjithëse rezultatet nuk janë të kënaqshme, ka ngritje në matematikë dhe në pjesën e leximit, ndërsa rënie në shkencë në krahasim me testin PISA 2015.
“Ajo çka ne kemi pritur që të kemi një rezultat më të mirë nuk është. Ne si MASHT kur e kemi marr mandatin e kemi bërë një përpjekje të bënim organizimin dhe i tërë hulumtimi ynë ishte që ta shtojmë pjesëmarrjen e nxënësve në PISA dhe angazhimin e mësimdhënësve për këtë. Pra MASHT-i këtë ia kemi arritur, por nuk janë rezultate që kemi dashur t’i shohim sot… Ajo që është pozitive është se në pjesën nga matematika kemi rritje pozitive, po ashtu edhe në pjesën e leximit. Ndërsa kemi rënie tek shkenca në krahasim me testin PISA 2015”, ka thënë ai.
Bytyqi ka theksuar se duhet kohë që t’i shohin arsyet e këtyre rënieve.
“Tani se cilat janë arsyet e këtyre rezultateve, konsideroj se iu duhet kohë analistëve t’i analizojnë rezultatet në secilën shkollë. Ndoshta në rezultatin e shkencës ka ndikuar edhe pjesëmarrja për herë të parë në formën digjitale, dhe si duket kjo në shkencë ka ndikuar në krahasim me disa vende si Maqedonia që edhe këtë vit nuk është futur në formë digjitale. Deri në vitin 2021 të gjitha shtetet do t’i nënshtrohen kësaj mënyre”, ka thënë ai duke shtuar se tani nxënësit e Kosovës do t’i nënshtrohen disa testeve ndërkombëtare që të shihen rezultatet e nxënësve deri në testin e ardhshëm të PISA.
“Hap tjetër që duhet ta diskutojmë është edhe pjesëmarrja në disa teste ndërkombëtare, pra në matematikë dhe në lexim që do të na tregojë se ku jemi ne si Kosovë në këtë aspekt, jo pastaj të presim vetëm testin PISA”, ka thënë ai.
Fatmir Elezi nga MASHT-i tha se në këtë test kanë marrë pjesë 5 mijë e 58 nxënës nga 211 shkolla.
“Hera e parë që kemi marrë pjesë ka qenë në vitin 2015 në formë të lapsit me letër, ndërsa tani në formë digjitale. Në këtë test kanë marrë pjesë 5 mijë e 58 nxënës nga 211 shkolla. Nga shkolla profesionale kanë marrë pjesë 2014 nxënës, nga gjimnazet 1642 nxënës. Nga shkolla e mesme e ulët 1402 nxënës. Në PISA 2018 ne jemi të katërtit nga fundi. Në matematikë jemi të pestit nga fundi me rezultate përafërsisht të njëjta me Marokun. Në shkencë jemi të katërtit nga fundi. Në PISA 2015 në lexim ka pasur rënie, ndërsa ne këtu kemi pasur një ngritje të vogël. Po ashtu edhe në Matematikë kemi pasur një ngritje të vogël por që në shkencë ka rënie. Kjo ngase kanë pasur eksperimente të demonstrojnë në kompjuterë dhe në shkolla tona nuk i kanë mësuar në atë mënyrë, për këtë ka rënie”, ka thënë ai, raporton Telegrafi.
Ai ka thënë se në lexim dhe shkencë më mirë kanë qenë vajzat, ndërsa në matematikë djemtë.
“Në gjuhë vajzat kanë performuar shumë më mirë se sa djemtë. Në matematik djemtë pak më mirë se sa vajzat. Ndërsa në shkencë vajzat më mirë se djemtë, me një dallim të vogël”, ka thënë ai. /Telegrafi/
Promo
Reklamo këtuLufta Prigozhin - Putin
Më shumëNga Rubrika
QMK: Gjendet një i moshuar i humbur në Plaçkovicë
Regjistrimi s’pritet të ofrojë të dhëna shumë të sakta për personat me aftësi të kufizuara
Vendosja e kamerave në veri dhe shqiptimi i dy dënimeve me mbi 20 vjet burgim për vrasje dhe dhunim – lajmet që shënuan javën
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City