Shtëpia e Bardhë e mbajti të fshehtë udhëtimin e presidentit Donald Trump kur i bëri një vizitë të papritur për Ditën e Falënderimeve, ushtarëve amerikanë në Afganistan.
Siç shkruan Euronews, të enjten, Trump shkoi pa paralajmërim në një vizitë të trupave në bazën ajrore ushtarake Bagram të Afganistanit në udhëtimin e tij të parë në vend dhe vetëm i dyti i tij në një zonë lufte gjatë presidencës së tij.
Ai u shërbeu ushtarëve një darkë dhe pozoi për selfie, përpara se t’u tregojë gazetarëve se Shtetet e Bashkuara dhe talebanët shpresojnë të rifillojnë bisedimet e paqes, transmeton Telegrafi.
Ndoshta aspekti më befasues i udhëtimit 33-orësh, për të cilin zëdhënësja e Shtëpisë së Bardhë, Stephanie Grisham tha se kishte disa javë që po përgatitej, ishte suksesi i administratës për ta mbajtur atë të fshehtë deri pak para se presidenti të linte Afganistanin për t’u kthyer në shtëpi.
Gjatë kësaj vizite, presidenti Trump mori vetëm një rreth të ngushtë zyrtarësh nga Shtëpia e Bardhë për udhëtim.
Të martën, Trump udhëtoi në vendpushimin e tij Mar-a-Lago në Florida ashtu siç ishte planifikuar, i shoqëruar nga karvani i rregullt i reporterëve që ndjek presidentin në të gjitha udhëtimet.
Kur ata gazetarë prisnin që ai të paraqitej për një telefonatë konferencë pasditen e së enjtes me trupat, sipas orarit të tij zyrtar, ata mësuan se brenda natës ai kishte fluturuar 13.400 kilometra larg për në Afganistan për t’i vizituar ata personalisht.
“Është një zonë e rrezikshme dhe ai dëshiron të mbështesë trupat”, i tha Grisham një grupi të vogël të korrespondentëve në bordin e Forcës Ajrore, të mërkurën në mbrëmje, duke shpjeguar pse Shtëpia e Bardhë kishte fshehur udhëtimin e Trump.
Vetëm disa orë më parë, grupi i dytë i reporterëve ishte mbledhur fshehurazi në një parkim në afërsi të Bazës së Përbashkët Andrews jashtë Uashingtonit, një vend nisjeje i rregullt i Trump.
Ata u kishin thënë para kohe se Trump do të udhëtonte pa ditur se për cilin vend bëhej fjalë.
Pasi ishin brenda bazës, të gjithë telefonët e mençur dhe çdo pajisje që mund të dërgonte një sinjal u konfiskuan dhe nuk u kthyen, të paktën dy orë pas ardhjes së Trump në Bagram, baza më e madhe amerikane në Afganistan.
Gjatë fluturimit 13-orësh, askush në bordin e Forcës Ajrore nuk kishte qasje në telefonat e tyre, përfshirë stafin e Shtëpisë së Bardhë, tha Grisham. Dritat e kabinës kryesisht ishin fikur.
Krishtlindjet e fundit, gjatë një vizite të trupave amerikane në Irak, Air Force One u identifikua sipër Anglisë nga një zbulues aeroplanësh. Shumë spekuluan atëherë se Trump ishte duke shkuar në zonë lufte.
“Ne thjesht kemi pasur një darkë të këndshme të Falënderimeve”, tha Trump mes thirrjeve të “USA” gjatë fjalimit të tij në bazën e Bagram.
“Mendova se do ta bëja atë diku tjetër”, përfundoi Trump. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Turqia ndalon të gjithë tregtinë me Izraelin për shkak të luftës në Gaza – vjen reagimi i Tel Avivit
Lufta në Ukrainë nuk duket se do të përfundojë së shpejti – paralajmëron shefja e inteligjencës kombëtare amerikane
Biden për demonstratat pro-palestineze në SHBA: Nuk do t’i ndryshojnë politikat e SHBA-së në Lindjen e Mesme
Zelensky tregon se kush janë ftuar në samitin e paqes në Zvicër
Ndërpriten mijëra fluturime - Rusia akuzohet se po ndërhyn në sistemet e navigimit të aeroplanëve në Evropë
Macron tregon se në çfarë rrethana do të dërgonte trupa në Ukrainë
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
I ndodhë sërish Aleksandar Vulinit, filmohet në Kuvendin e Serbisë duke “folur dhe grindur me veten”
Pamje nga ajri që tregojnë se çfarë ka mbetur nga qyteti ukrainas Chasiv Yar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit