Capital T reagon pas largimit të “Akull” nga YouTube

Projekti “Akull” i reperit të njohur Capital T është publikuar të shtunën (23 nëntor) në platformën YouTube, por që tanimë nuk mund ta shikoni.

Kjo këngë raportohet se është bllokuar nga YouTube dhe ajo çfarë ju mbetet është ta dëgjoni përmes platformave të tjera si: Spotify, AppleMusic, Tidal dhe Deezer.

Këtë e bëri të ditur vet reperi, teksa ka bërë një reagim në rrjetet sociale duke u thënë ndjekësve se shumë shpejt pritet të rikthehet kënga e tij.

https://www.instagram.com/p/B5TUC_rB0xX/

“Duke pritur të kthehet akull në YouTube, a po ju mungon? Besoj që kthehet shpejt e deri atëherë e keni të gjithë në telefona, ose në platforma digjitale si Spotify, Apple Music, Tidal, Deezer etj”, ka shkruar mes të tjerash Kapo.

Lexo po ashtu Capital T publikon klipin e ri "Akull"

Pranë fotografisë, 28-vjeçari pranoi reagime të shumta nga fansat, madje siç thonë ata projekti i tij është i vjedhur nga “Galliyan” , kolonë zanore e filmit të famshëm të BollyWood-it “Ek Villain”.

Ashtu si tek kënga “Kujtime”,  Capital T kishte përdorur një pjesë me motive indiane dhe ndjekësit e kuptuan menjëherë se ajo ishte e vjedhur dhe mbase kjo ishte arsyeja e fshirjes nga YouTube.

Ndërkohë, projekti ishte shpërndarë gjithandej dhe vetëm për një ditë kaloi shifrën e një milion klikimeve, i prirë për t’u shndërruar në hit të kësaj kohe. /Telegrafi/