Pendarovski në LSM: Të mbrojmë punëtorët që të qëndrojnë në vend

Presidenti Stevo Pendarovski sot vizitoi Lidhjen e Sindikatave të Maqedonisë, nga ku deklaroi se duhet të mbrojmë punëtorët që të qëndrojnë në atdhe, njofton Telegrafi Maqedoni.

Në fjalimin e tij, Pendarovski theksoi se ekonomia e suksesshme dhe zhvillimi i vendit janë të lidhura ngushtë me rregullimin e marrëdhënieve të punës dhe një kornizë të qëndrueshme të punës-drejtësi për punëtorët.

Ai tha se ishte Presidenti i parë që vizitoi LSM-në, duke e vlerësuar këtë si të turpshme për shtetin.

“Unë thjesht nuk mund të besoj se kjo është hera e parë në histori. Nga njëra anë, themi që jemi në një moment historik, nga ana tjetër të themi hapur para kamerave, është turp për shtetin, për të gjithë ata që ishin para meje në çfarëdo pozicioni, nëse kjo është e vërtetë, supozoj se është një kontroll i fakteve, të mos vini në Sindikatën më të vjetër dhe më të madhe në vend, ndërsa thoni që ju po punoni për të drejtat e qytetarëve dhe për popullin që jetojnë në këtë vend, nuk shkojnë njëra me tjetrën”, tha Pendarovski.

Ai theksoi se si shtet jemi mjaft të pjekur dhe të gatshëm si ligjërisht ashtu edhe në praktikë për të siguruar standarde evropiane kur bëhet fjalë për të drejtat e punëtorëve.

Presidenti shtoi se, në përputhje me kompetencat dhe aftësitë e tij, ai ishte këtu për të dëgjuar të gjithë, në mënyrë që më vonë të kontribuojë në këto procese, për të lehtësuar dialogun dhe bashkëpunimin me autoritetet, për të dëgjuar çdo iniciativë, çdo propozim, çdo sugjerim, në mënyrë që të ndihmojmë në gjetjen e zgjidhjeve më të mira./Telegrafi/