Në Qendrën e Numërimit dhe Rezultateve deri tani janë numëruar 43 për qind e vendvotimeve, të cilat me vendim të Panelit Zgjedhor për Ankesa dhe Parashtresa (PZAP) u urdhëruan të shkojnë në rinumërim.
Koordinatori i QNR-së, Burim Ahmetaj ka mohuar edhe akuzat për manipulime të hedhura nga analistë politikë pas vendimit që të rinumërohen vetëm 1,428 vendvotime nga 1,472, sa ishte marrë vendim nga PZAP.
Ahmetaj ka thënë se deri pasditen e sotme janë rinumëruar 605 vendvotime.
Sipas tij me këtë dinamikë të punës u duhen edhe 7 deri në 8 ditë për të përfunduar procesi i rinumërimit të 1428 vendvotimeve.
“Deri në këto momente kur po flasim janë rinumëruar 605 vendvotime prej tyre në përqindje janë 43 për qind e vendvotimeve. Gjatë ditës së sotme me ndërrimin e parë kemi vendvotime të cilat do të rinumërohen dhe ndërrimin e dytë do vazhdojmë sepse kemi përparim në aspektin e procesit të rinumërimit… Përderisa jemi në ditën e gjashtë dhe gjatë tërë ditës së sotme do kemi proces të rinumërimit deri në fund të ditës do mund të afrohemi deri 47 për qind konsiderojmë se që edhe pjesa tjetër e mbetur do të mund të përfundojë në afatin e njëjtë sikurse në këtë pjesën e parë të vendvotimeve. Do të na duhen të paktën edhe 7 ditë apo 8 deri në kompletim të këtij procesi”, tha Ahmetaj.
Ai tha se QNR ka kapacitete të mjaftueshme për të përfunduar me kohën e paraparë procesin e rinumërimit.
E lidhur me vendvotimet që me vendim të PZAP-së fillimisht u vendos që të rinumërohen 1,472 vendvotime e më pastaj u tha se do rinumërohen vetëm 1,428 të tilla, dyshime për manipulim nga ana e PZAP-së po hedh analisti politik, Ramush Tahiri.
Sipas tij, karshi vendimit të PZAP duhet të veprojnë institucionet përgjegjëse.
“Arsyetimin që e pash unë prej PZAP-it është i dyshimtë edhe duhet të veprojnë institucionet sepse thotë disa nga këto vendvotime vetëm janë rinumëruar. Atëherë shtrohet pyetja me çfarë të drejte ti i ke vlerësuar se duhet të rinumërohen, ku e ke gjetur gabimin nëse janë rinumëruar njëherë. Gjithashtu për disa shkruan numri gabim dhe nuk ekzistojnë si të tilla që të lenë për dyshim për një lloj manipulimi në PZAP për këto çështje, ndërsa zvogëlimi i numrit do shkaktoj pakënaqësi dhe ankesa”, tha Tahiri.
E lidhur me këtë çështje ka dhënë shpjegime koordinatori i QNR-së, Burim Ahmetaj, sipas të cilit vendimi i Panelit Zgjedhor për Ankesa dhe Parashtresa nuk ka vend për dyshim.
“Nuk mund të them se është vendim i dyshimtë në listën të cilën e ka siguruar PZAP figurojnë 1,470 vendvotime, mirëpo Qendra e Numërimit dhe Rezultateve pas krahasimit në numër të vendvotimeve që janë zyrtare të miratohen nga KQZ rezulton se prej tyre 38 vendvotime janë shënuar dy herë kemi duplifikim të vendvotimeve ndoshta jo për fajin e PZAP-së por edhe për fajin e ankuesit, 18 vendvotime janë rinumëruar më herët me vendim të KQZ-së dhe 6 vendvotime kanë qenë të paqarta”, tha Ahmetaj.
Kujtojmë që pas ankesave të subjekteve politike të pranuara nga PZAP pas publikimit të rezultateve përfundimtare të KQZ-së lidhur me zgjedhjet e parakohshme parlamentare të 6 tetorit, ky institucion mori vendim që të rinumërohen 1,472 vendvotime, e që më pastaj u vendos të rinumërohen prej tyre vetëm 1,428, pasi është vlerësuar se 44 vendvotime duhet të largohen nga rinumërimi është shkak se ato janë rinumëruar gjatë procesit të rinumërimit të mëhershëm./kp/Telegrafi/
Lufta Prigozhin - Putin
Më shumëNga Rubrika
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Protesta e opozitës, molotovë në drejtim të Bashkisë së Tiranës
MF: Borxhi publik i RMV-së në fund të tremujorit të parë është 58.6% e BPV-së
Kadri Veseli e padit për shpifje deputetin e LVV-së
Stano për strukturat paralele: BE në Kosovë mbështet një strukturë të vetme institucionale sipas kornizës së saj ligjore
Arrestohet i riu nga Klina, dyshohet se abuzoi seksualisht me një fëmijë - videon e publikoi në "TikTok"
Prokuroria Speciale e fton në intervistë zëvendësministrin e Mjedisit, Hysen Durmishin
Flet e dhunuara gjatë lųftës në Kosovë: Nuk kam familje dhe askush nga të afërmit nuk di për rastin tim
Haradinaj-Stublla: As NATO e BE nuk do të ishin fitore për Kosovën, nëse çmimi është defunksionalizimi i saj i brendshëm përmes Asociacionit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri