Mbyllen nëntë dhoma të dializës në spitalin e Strugës

Nëntë dhoma në spitalin e dializës në Strugë, aty ku pikon çatia janë mbyllur dhe pacientët transferohen në dhoma të tjera. Deri më tani nuk ka ndonjë lajm për rindërtim, përkundër faktit se kontrata me kompaninë kontraktuese, që duhet të kryejë punimet e ndërtimit ishte nënshkruar në 14 tetor të këtij viti.

Afati i mbarimit të punës është 120 ditë, por dimri po vjen dhe reshjet e shpeshta të shiut sjellin probleme. Kompetentët e spitalit nuk e dinë se ku ngec puna. Thonë se do ta kufizojnë qëndrimin e pacientëve për rehabilitim në vetëm një muaj, për shkak të situatës aktuale.

“Ata janë më kritikët dhe për këtë arsye janë larguar pacientët, por pikon edhe diku tjetër varet nga intensiteti i shiut. Kështu që shpresoj që rindërtimi do të fillojë sa më shpejt të jetë e mundur”, u shpreh Aleksandar Poposki, drejtor.

Në fillim të shtatorit kur u shfaqën problemet e para me çatinë, pacientët qëndruan në korridoret e spitalit. Një muaj më parë, ministri i shëndetësisë njofto, se rindërtimi do të fillojë së shpejti, por deri tani asgjë. Pacientët gjithashtu reagojnë.

Ky spital është ndërtuar në vitin 1984 dhe trajton pacientët me sëmundje në veshkë, nga e gjithë Maqedonia, por edhe nga Shqipëria fqinje./Alsat/