I konsideruar si Ballkoni i Shqipërisë, me një lartësi 1,110 metra, Mali i Krujës të ofron një pamje mbresëlënëse të Adriatikut, territorit nga Mali i Zi deri në Malin e Tomorrit.
Vendin ku u hap teqeja e parë në vend e ku sot kujtohen veprat e të shenjtit Sari Salltiku. Turizmi fetar është ajo që e ka mbajtur të frekuentuar këtë vend, aq sa poeti i madh Naim Frashëri e shkruajti “Krujë o qytet i bekuar”.
Në vendin e gojëdhënave ku vajzat e qytetit flijoheshin për të pasur qetësi nga një kuçedër, në vendin ku Skënderbeu përgatiste ushtrinë, në kalldrëmin që thuhet se e ndërtoi Ali Pash Tepelena, tek shpellat ku gjatë sistemit komunist ruheshin thesaret, apo vendet e “mira” që krutanët luteshin për mirësi e begati.
Ky është Mali i Krujës, vetëm 6 kilometra nga qendra e qytetit dhe 36 kilometra nga Tirana ofron shumë për një ditë ndryshe dhe larg jetës urbane. Dita në natyrën e “veshur” nga vjeshta, nis me shtegun e Malit të Krujës, duke ecur mbi kalldrëmin gati 300 vjeçar.
Në një ngjitje me një lartësi prej 600 metrash nga qyteti i Krujës, shoqërohesh nga gojëdhënat për gurët e shenjta, të fshehtat e shpellave që janë përgjatë kalldrëmit, ku brenda saj gjen masive të stalaktiteve mijëravjeçarë.
Gysi Vladi, një nga udhërrëfyesit që frekuenton shumë këtë shteg shprehet për ATSH-në se, “vijmë këtu pasi jemi të apasionuar pas turizmit të aventurës dhe Mali i Krujës të ofron një mozaik vlerash. Gojëdhëna se në fillim të shtegut duhet të marrësh një gurë dhe ta hedhësh pasi je kthyer me kurriz, për më tepër harmoni dhe ta hedhësh të keqen pas, janë tejet tërheqëse”.
“Edhe shpellat janë tepër të bukura, mes stalagtiteve të shumta, lakuriqëve të natës ku ke mundësinë t’i shohësh nga afër, por ne gjejmë shumë emra të gdhendur nëpër gurë. Banorët thonë se këtu depozitonin ar, çka mund të jetë e vërtete se krutanët njihen për tregtarë të lindur”, thekson Gysi.
Mbas një ore ecje, pushohet pranë teqesë së Sari Salltikut ku përpos qetësisë shpirtërore, trupi merr ajër të pastër dhe ujin e shenjtë që ndodhet brenda shpellës së teqesë.
Pasi mëson mbi bektashizmin dhe lutesh për mbarësi, rruga vijon përgjatë kurrizores së Malit të Krujës deri fund të saj, ku sërish pamja e maleve është befasuese.
Pas një dite të shëndetshme në Krujë dhe të bekuar, merr gjithë energjinë për të nisur javën me vrap. Si gjithmonë nga mali marrin edhe ujin e Krujës për familjarët e shtëpisë, pasi siç na thane besimtarët, “uji i Sari Salltikut të ‘shëron’ familjen”. /ATSH/
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe