Tërheqja e trupave amerikane nga Siria pa dyshim se është lajm i keq për Bashirul Shikde, 38-vjeç, të cilit i është krijuar përshtypja sikur SHBA-të kanë braktisur fëmijët e tij dhe i ka lënë në mëshirën e pjesëtarëve të organizatës terroriste e njohur si “Shteti Islamik”, raporton CNN.
Shikde tash e katër vite e gjysmë është duke i kërkuar fëmijët e tij, madje ka bashkëpunuar ngushtë me agjencitë shtetërore amerikane dhe forcat kurde, bile ka shkuar edhe vetë në Lindjen e Mesme që ta kërkojë djalin dhe vajzën, transmeton Telegrafi.
Ky baba ka deklaruar për CNN se ndjehet i tradhtuar pas vendimit të presidentit amerikan Donald Trump, që dha urdhër të tërhiqen trupat amerikane nga Siria.
Ai vazhdimisht pyet tani pas tërheqjes së trupave amerikane, nëse do të qëndrojnë agjencitë që do të kujdesen për shtetasit amerikanë, ku në mesin e tyre janë edhe fëmijët e tij për të cilët vazhdon të besoj se gjenden në atë rajon.
“E kam përshtypjen se SHBA-ve nuk i bëhet vonë. Kjo është periudha më e vështirë në jetën time”, ka deklaruar Shikde për CNN.
Gjatë kohës kur ai kishte shkuar në haxh në mars të vitit 2015, gruaja e tij kishte marrë fëmijët e tyre Yusufin dhe Zahran nga shtëpia që e kanë në Miami, dhe iu kishte bashkuar militantëve të ISIS-it.
Yusufi asokohe ishte vetëm 4-vjeçar, kurse Zahra nëntë muajshe. Që të dy kanë lindur në SHBA, derisa Shikde është shtetas amerikan me prejardhje nga Bangladeshi.
“Gruaja ime Rashida Sumiya ishte radikalizuar dhe kështu kishte vendosur t’i bashkohet ISIS-it në Siri”, ka deklaruar ai.
Në fillim ajo i kishte dërguar fotografi të djalit dhe vajzës të shkrepura në qytetin Raqqa, “foleja” e militantëve të ISIS-it. E fotografitë tjera që ia kishte dërguar më vonë, shihet Zahra e veshur me të zeza dhe kokën e mbuluar me shami.
Në vitin 2016, Shikde kishte pranuar një dokument përmes mesazhit (sms) në të cilin thuhej se gruaja e tij është ndarë nga ai, pasi kishte refuzuar t’i bashkohet asaj në ISIS. Shpejtë e kuptoi se gruaja e tij ishte martuar me një militant të ISIS-it, me të cilin solli në jetë një vajzë.
Sipas tij ai është vrarë një muaj pas martesës, kurse mesazhet e gruas u ndalën nga dhjetori i vitit të kaluar. Nga motra e gruas që kishte shkuar me të në Siri, e ka kuptuar se edhe ajo ka vdekur në një sulm ajror, derisa fëmijët kanë pësuar djegie nëpër fytyrë.
Prej asaj kohe, në të gjitha mënyrat është munduar t’i gjej fëmijët, përmes FBI-së, politikanëve, organizatave joqeveritare, të gjithë atyre që ishin të gatshëm ta dëgjojnë. Madje kishte shkuar dy herë në Siri për t’i kërkuar fëmijët, por pa ndonjë sukses.
Disa i kanë thënë se fëmijët janë kontrabanduar në Idlib në veriperëndim të Sirisë, që konsiderohet si zona e fundit e militantëve që luftojnë kundër presidentit sirian Bashar al-Assad, ku është vrarë lideri i ISIS-it, Abu Bakr al-Baghdadi. Disa tjerë thonë se fëmijët janë diku përgjatë vijës kufitare Siri-Turqi, apo ndoshta në Turqi në ndonjë kamp të refugjatëve në kufi me Irakun.
Nga ato burime e ka kuptuar se fëmijët janë nën përkujdesin e një gruaje tjetër, që gjithashtu është pjesë e ISIS-it. Megjithatë ai nuk e ka ndërmend të heq dorë, dhe vazhdimisht po i kërkon dhe po tenton në të gjithë mënyrat që t’i lokalizojë. E tëra çfarë i ka mbetur janë kujtimet dhe shpresa që një ditë do t’i përqafojë sërish fëmijët e tij. /Telegrafi/
Lufta Prigozhin - Putin
Më shumëNga Rubrika
Babai nga New Jersey detyronte të birin 6-vjeç të vrapojë në “treadmill” sepse besonte se ishte “shumë i plotë – 12 ditë më vonë vogëlushi ndërron jetë nga abuzimi “kronik”
Pse kanë rëndësi zgjedhjet evropiane dhe si funksionojnë ato?
Pamje nga ajri që tregojnë se çfarë ka mbetur nga qyteti ukrainas Chasiv Yar
Pamje nga ajri që tregojnë se çfarë ka mbetur nga qyteti ukrainas Chasiv Yar
Ukrainasit bombardojnë qendrën trajnuese të rusëve, e godasin me sistemin raketor amerikan ATACMS
Propozimi përfundimtar i rezolutës për Srebrenicën dërgohet në OKB
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Deshifrohet një tekst i lashtë - ai tregon se si dukej mbrëmja e fundit e Platonit
Ministri i Jashtëm i Bosnjës e Hercegovinës i reagon Gjuriqit, thotë se e ka keqcituar: Ke gënjyer Marko
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit