Gruaja që e preku mbeti me dorë të mpirë, biologu tregon origjinën e krijesës misterioze

Derisa po shëtiste me nënën në një plazh të Australisë, një grua pa një objekt shumë të çuditshëm, ndërsa nuk hezitoi ta prekte.

Kjo bëri që asaj t’i mpihet dora, andaj realizoi një fotografi dhe e postoi në Facebook, ku kërkoi të dijë se çfarë mund të jetë kjo gjë që pa në plazh, transmeton Telegrafi.

“Ishte e fortë dhe me sipërfaqe të rrëshqitshme, kur e preka mu mpi dora. Nëna ime e preku me këmbë dhe menjëherë i është mpirë ajo pjesë”, shkroi ajo në rrjetin social.

Shikuesit mbetën të habitur me krijesën misterioze, ndërsa një biolog shpjegoi se çfarë është gjallesa me prejardhje nga deti.

“Gjallesa vjen nga deti dhe në gjuhën latine quhet ascidian, ndërsa është një krijesë që jeton në koloni dhe gjendet në tabanin e detit. Ka mundësi të kapet edhe për degë të ndryshme në bregdete, struktura limanesh apo pjesë anijesh”, ka thënë biologu Dr Simon Grove.

Mësohet se kjo krijesë nuk i përket bregdeteve të Australisë, ku është e huaja dhe shihet shumë rrallë.

Shikuesit e imazheve ku shfaqet krijesa, kanë dhënë komente të ndryshme, derisa njëri ka thënë se mund të jetë ‘truri që i ka humbur ndonjë politikani’. /Telegrafi/