Sikur çmimi prej 900 eurove të mos mjaftonte, në një iPhone 11 Pro është vënë edhe ora e artë që kushton dhjetëra mijëra euro

Kursimi i parave për një iPhone të ri, është mjaft i vështirë dhe sidomos për këtë smartfon të kushtueshëm, ndërsa për dikë që  ka të ardhura të mëdha, mund ta porositë edhe me një shtesë, që kushton 63 mijë euro dhe është nga ari.

Caviar është kompania e njohur për modifikimin e mbështjellësve të iPhone, që e ka krijuar iPhone 11 Pro Discoveri Solarius, që ka gjysmë kilogrami ari dhe 137 diamante, transmeton Telegrafi.

Në mes të këtij punimi, është e vendosur ora speciale, si dhe një gur i verdhë që është quajtur si guri i Diellit. Derisa, i gjithë punimi, është bazuar në ndikimin që Dielli ka në jetën tonë.

Megjithëse është një iPhone 11 Pro i 900 eurove, me kapacitet 64GB, për këtë shtesë duhet paguar 63 mijë euro, ndërsa për iPhone 11 Pro Max me 512 GB, duhet paguar njëmijë euro më shumë.

Të interesuarit për produkte më të lira nga Caviar, mund të porosisin mbështjellës tjerë nga Caviar që kushtojnë nga 7,200 deri në 7500 euro dhe janë më të lira se Solarius. /Telegrafi/