Njihuni me arkitektin i cili e ka ndërtuar shkollën më të mirë në Maqedoni
Besian Mehmeti njëri ndër arkitektët më të njohur dhe më të kërkuar në vend, vjen më një intervistë për Telegrafin . Ai është një arkitekt që merret, gati se 10 vite me këtë profesion. Në vitin 2012 themeloi studion BMA dhe përkrahë disa arkitektëve dhe bashkëpunëtorëve tjerë ka arritur të krijojë projekte nga më të ndryshmet, projekte këto të cilat kanë vlera të veçanta.
Intervistoi: Aroma Aliti
Të bëhesh një arkitekt është e vështirë, mirëpo të arrish të bëhesh një ndër më të suksesshmit është ende më e vështirë. Na shpjego në pika të shkurtëra karrierën tënde që nga fillimet e saj deri më tani?
Studion BMA e themelova në vitin 2012, si rrjedhojë e disa viteve përvoje paraprake, në fushat e arkitekturës, urbanizmit dhe dizajnit. Studimet i kam mbaruar në Fakultetin e Arkitekturës në Shkup dhe që atëherë kam qenë i angazhuar në projekte të shumta dhe konkurse fituese duke përfshirë ndër të tjera sheshin Skënderbeu në Shkup, Teatrin dhe bibliotekën e qytetit në Tetovë dhe shkollën e re fillore në Qendër – Shkup. Kam marrë pjesë në ekspozita të shumta, përfshirë Bienalen e Venedikut dhe së fundmi një ekspozitë në pritje bashkë me Ngadhnjimin (vëllain) në New York. Kam qenë i ftuar si ligjërues mysafir në simpoziume, takime formale dhe informale të arkitekturës.
Krahas praktikës, jam aktiv në mësimdhënie si asistent pranë Universitetit të Tetovës si edhe në Fakultetin e Arkitekturës në Shkup, dhe Universitetin American College një periudhë të caktuar.
Ju jeni arkitekt i shkollës fillore “Kiro Gligorov” e cila llogaritet si shkolla më e bukur në Maqedoni. Tregoni diçka rreth këtij projekti?
Ky projekt është rezultat i një konkursi anonim që është zhvilluar në vitin 2013. Në konkurs morën pjesë më shumë se njëzet ekipe, arkitektët më të shquar të vendit. U zgjodhëm si më të mirët dhe sigurisht që ishte një nderë dhe një përgjegjësi për ne si studio e re, në atë kohë si 29 vjeçarë udhëheqja një ekip prej 4 arkitektësh të ri, ndërkohë që tani numri është dyfishuar.
Koncepti arkitektonik, forma dhe kompozicioni nuk janë të rastësishme, aq më pak imponuese. Ata pasqyrojnë strukturat organizative në nivelin funksional, teknik, material dhe estetik. Përmes vizionit tonë ne kemi dashur që të krijojmë një mjedis funksional, utilitar dhe mikpritës, përmes sistemeve formale dhe informale të mësimdhënies dhe mësimnxënies, si në klasa ashtu edhe në mjedisin natyror – me qëllimin e vetëm për të hapur perspektiva të reja për fëmijët.
Emri juaj shihet pothuajse në shumicën e projekteve më të rrëndësishme në vend. Çfarë do të thotë kjo për ju?
Puna që bëjmë është ekipore, kam pas fatin të jem përkrah arkitektëve dhe bashkëpunëtoreve të spikatur dhe bashkë të krijojmë vepra që shpresoj do të jenë inspiruese ndër gjenerata.
Kam punuar në projekte nga me të ndryshmet, të shumtë janë edhe ata me karakter publik kryesisht përmes konkurseve, por shpesh edhe pro bono. Jam përpjekur që të krijojmë vepra që kontribuojnë në një mënyrë osë tjetër në zhvillimin shoqëror. Për këtë arsye, jam i mendimit se për ne arkitektët pjesëmarrja në konkurset dhe veçanërishtë angazhimi në projekte publike duhet të shihet si një përgjegjësi shoqërore.
Çfarë motivi do ju kishit dhënë të rinjve që studiojnë ose duan të studiojnë arkitekturë?
Arkitektura është shumëdimensionale dhe përveç njohurive teknike, kërkon të keni edhe bagazh të njohurive të përgjithshme. Mbi të gjitha, mendoj se duhet të keni ndjesi dhe pasion për të bukurën por njëkohësisht duhet të keni durim dhe të guxoni. Mos prisni instruksione dhe informata vetëm nga katedra në fakultet por kërkoni inspirimin gjithandej duke njohur rrethin, duke lexuar dhe vrojtuar vëmendshëm por edhe duke vizituar vende të ndryshme të botës.
Cilat janë planet e Besianit në vazhdim?
Jetojmë në një vend në zhvillim e sipër, rrjedhimisht kemi edhe shumë punë për të bërë, të krijojmë vepra që do të kenë fuqinë të ndikojnë në jetën urbane dhe të frymëzojë njerëzit për të përmirësuar botën përreth.
Punët nuk kanë të ndalur për Besianin. Ai do të vazhdojë të shfaq vlerat e tij në projekte të tjera! /Telegrafi/
Lufta Prigozhin - Putin
Më shumëNga Rubrika
Bie nataliteti në Kosovë, ASK dhe MPB me statistika të ndryshme për lindjet
Angelovska-Bezhoska: Vlerësimi i FMN-së është se Banka Popullore është shembull i mirë i transparencës
LVV në Prishtinë akuzon Përparim Ramën, thonë se po planifikon të keqpërdorë një tender në vlerë prej 10 milionë euro
Shqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Arrestohet një person në Bërnjak, kishte vendosur 50 euro në mesin e dokumenteve gjatë kontrollit në pikën kufitare
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Përleshje fizike mes dy personave në Prishtinë, një polic lëndohet gjatë intervenimit për t'i vënë në kontroll
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Tahiri: Kurti të jap shpjegim pse Serbia mbeti e pa ndëshkuar edhe pas rastit në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur