Punëtorët e Monego e ndjejnë vendin e punës si shtëpinë e dytë, objekti i ri me ambient madhështor, krijon mundësi për performancë më të mirë

Institucioni mikrofinanciar Monego, është njëra nga kompanitë të cilat përveç përformancës së mirë dhe sukseseve në këtë fushë, ka arritur që ta ndërtojnë një ambient të veçantë të punës.

Punonjësit e Monego-s kanë theksuar se përkrah punës që bëhet, hapësirat e kompanisë Monego janë ambiente ku ka rekreacion dhe argëtim.

E.Sh., punonjëse në këtë kompani, ka theksuar për Telegrafin se Monego ofron mbështetje për iniciativat dhe idetë e reja, pavarësisht nga cilët punëtorë vijnë ato.

Lexo po ashtu Monego përuron objektin e ri: Ambient impozant, relaksues, me një sukses që ndërtohet mbi zhvillimin profesional dhe personal të punonjësve

Ajo tha se kur bëhesh pjesë e këtij ekipi e vëren se ke të bësh me një ekip që ka njerëz të rinj, që kanë energji pozitive, dhe se sipas saj, përfshirja në procesin e punës ndodhë menjëherë.

“Është kënaqësi me qenë pjesë e një kompanië e cila i ka 70 për qind të të punësuarve femra, gjë e cila të obligon edhe më tepër që të kontribuosh në punë dhe ta dëshmosh veten”, ka shtuar E.Sh.

Ajo më tutje ka thënë se objekti i ri ju ka dhënë një energji të re që ata të japim kontribut edhe më shumë në kompani.

“Po na plotësohen kushtet ditore shumë mirë, ku përveç hapësirës që ne e kryejmë punën, kemi hapësirë me zhvillu edhe aktivitete tjera jashtë punës, që na ndihmojnë shumë që të kalojnë ndonjë fazë kur kemi lodhje ose stres”, ka shtuar E.Sh.

Ndërsa, punonësja tjetër, B.Ç. ka theksuar se është kënaqësi me qenë pjesë e një kompanie, e cila sipas saj, i vlerëson punëtorët dhe njëkohësisht ju përkushtohet atyre.

Lexo po ashtu Monego përuroi objektin e ri, drejtori Egzon Halili: Zyret e reja përfaqësojnë vlera moderne evropiane

Ajo ka thënë për Telegrafin se përveç hapësirave ku ata mund ta kryejmë punën, në objektin e ri janë krijuar edhe hapësira ku ofrohen ushqime të shëndetshme në çdo kat të objektit.

“Monego ka edhe pjesë rekreative, ku mund ta lirosh stresin edhe të ndihesh vetvetja, e gjë e cila të bën të ndjehesh mirë”, ka thënë B.Ç.

Sipas saj, vet energjia që e përcjellë Monego e bën atë si kompani shumë speciale, duke ia shtuar këtu edhe faktin se ka mbështetur femrat, duke i dhënë prioritet punësimit masiv të tyre në kompani.

“Krejt elementet që ofrohen për punëtorët e bëjnë që ne ta ndjejmë kompaninë si shtëpinë tonë të dytë, sepse rahatinë e komoditetin e shtëpisë na ofrojnë edhe këtu, arsye këto që na bëjnë ne punëtorëve të Monego-s të vimë në punë më dëshirë dhe ta duam atë”, ka shtuar B.Ç.

Ndryshe, Monego ditë më parë ka përuruar objektin e ri, i cili ofron kushtet më moderne për zhvillimin e punës në mënyrën më të mirë, ku njëkohësisht ka edhe hapësira për rekreacion dhe argëtim. /Telegrafi/