Fushata elektorale ishte e fëlliqur në Kanada. Nga entuziazmi i mëparshëm për kreun e qeverisë nuk shihej shumë. Sidoqoftë, Liberalët e Trudeau-së shpresojnë të arrijnë një fitore në zgjedhjet parlamentare.
Pak para hapjes së lokaleve zgjedhore në Kanada, ekipi i fushatës së kryeministrit Justin Trudeau publikoi një video të fundit: në të 47-vjeçari shihet duke u ngjitur në një mal në Vancouver me një fanelë të ngushtë. Një Trudeau dinamik, mbrojtës i klimës. Edhe sfiduesi konservator Andrew Scheer publikoi një video. Edhe 40-vjeçari shihet në një pyll. Mendimi unanim për këtë: sa e mërzitshme.
Por kaq të qarta nuk janë raportet e shumicës. Sondazhet e fundit i shohin zgjedhjet parlamentare si një garë gjoks më gjoks midis liberalëve dhe konservatorëve. Asnjëra nga palët nuk pritet të marrë shumicën absolute të 170 vendeve në parlamentin e Otavas. Sidoqoftë, kandidatët e drejtpërdrejtë në shumë zona zgjedhore janë kaq pranë njëri-tjetrit, sa që parashikimet janë të vështira.
Vuri nën presion ministren e Drejtësisë
Trudeau, i cili katër vitet e shkuara ka qeverisur me Liberalët e tij me shumicë absolute, e humbi pjesën më të madhe të mbështetjes muajt e fundit. Në pranverë u bë publike se ai i kishte bërë presion Ministres së tij të atëhershme të Drejtësisë për të ndaluar hetimet për rryshfet në Libi kundër kompanisë kanadeze SNC-Lavalin. Vetëm kur një komitet etike shqiptoi një qortim për të, Trudeau kërkoi falje.
Në shtator u shfaq një fotografi e bërë para 20-vjetësh, ku Trudeau shihet më fytyrë me bojë të errët – i maskuar si Aladdini – në një festë. Ai kërkoi falje për sjelljen e tij “raciste” dhe tha gjithmonë kishte qenë “më entuziast për kostumet, sesa është ndonjëherë e përshtatshme”.
Pakicat, personat me të ardhura të ulëta, NAFTA
Por, në tërësi indinjata në popull mbeti më e ulët nga sa kishin shpresuar kundërshtarët e Trudeau-së. Mbështetësit e Liberalëve theksuan se Trudeau i kishte përfshirë në mënyrë aktive pakicat, se kishte mbështetje më të mirë për familjet me të ardhura të pakta, dhe se marrëveshja e NAFTA-s, përkohësisht e pezulluar me SHBA dhe Meksikë, tashmë është në rrugë të mbarë.
Por kundërshtarët e Trudeau-së ankohen se ai nuk i ka mbajtur disa nga premtimet e tij, si reforma zgjedhore ose buxheti i balancuar deri në vitin 2019. Të tjerë mendojnë se politika e tij për klimën nuk shkon sa duhet larg, megjithë futjen e një takse për CO2.
Trudeau e humbi pjesën më të madhe të mbështetjes te votuesit e majtë. Sidoqoftë, shumë prej 37 milion kanadezëve, prej të cilëve shumë priren të zgjedhin pikëpamje liberale dhe të majta, e kanë të vështirë t’i pranojnë pikëpamjet konservatore të Sheerit mbi abortin ose martesën homoseksuale.
Partitë e vogla janë vendimtare
Në rast se do të ketë një qeveri minoriteti – jo e pazakontë në Kanada – partitë e vogla do të jenë ato që do të vendosnin se nga do të anojë kandari. Midis tyre, janë socialdemokratët e Jagmeet Singh, që kohët e fundit kanë shënuar rritje. Këta, si dhe të Gjelbrit, janë politikisht më afër Liberalëve. Edhe qëndrimi i Partisë rajonale Blloku Québécois mund të jetë vendimtar në fund.
Në fund të fushatës zgjedhore erdhi mbështetje nga SHBA fqinje. Përmes Twitter-it ish-Presidenti Barack Obama u bëri thirrje votuesve kanadezë t’i japin kryeministrit Trudeau një mandat të dytë. /DW/
Promo
Reklamo këtuLufta Prigozhin - Putin
Më shumë"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Borrell e uroi qeverinë e re serbe, eurodeputeti gjerman nuk përmbahet: Si mund ta bëjë një budallallëk të tillë
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Edhe një iu shtua sot - sa shtete e njohin pavarësinë e Palestinës
Rusia sulmon me dronë iranian Ukrainën
Dhjetë aeroportet më të pastra në botë - vetëm një është në Evropë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City