Xiaomi planifikon më shumë se 10 telefona 5G për vitin e ardhshëm

Drejtori i Përgjithshëm i Xiaomi, Lei Jun tha duke folur në Konferencën Botërore të Internetit se kompania e tij po planifikon të lansojë më shumë se 10 telefona 5G në vitin 2020, raporton Reuters. 

Xiaomi Mi 9 Pro është telefoni i parë i kompanisë 5G i disponueshëm për tregun e brendshëm, ku përballet me konkurrencë të ashpër nga rivali kryesor i tregut të saj, Huawei. 

I befasuar nga kërkesa fillestare që çoi në probleme të furnizimit, Jun tha që kjo bëri që Xiaomi të rishikojë strategjinë e tyre 5G, duke planifikuar telefona 5G për segmentet e nivelit të ulët, të mesëm dhe premium, në vitin 2020.

“Njerëzit në industri kanë frikë se modelet 4G të vitit të ardhshëm nuk do të shiten, kështu që ky është një hap që nuk keni zgjidhje tjetër veçse ta bëni. Kështu që ne shpresojmë që operatorët të mund të shpejtojnë zgjerimin e tyre të stacioneve bazë 5G” – Lei Jun

Sipas Canalys, Xiaomi mban 11.8% të tregut të telefonave inteligjentë në Kinë në tremujorin e dytë të vitit, nga 13.9% në të njëjtën periudhë të vitit 2018. 

Sidoqoftë, në Evropë, Xiaomi po bëhet gjithnjë e më popullore pasi pjesa e saj e tregut është rritur nga 6.5% vitin e kaluar në 9.6% në 2019. /Telegrafi/