Elon Musk – udhëheqësi më frymëzues në teknologji për vitin 2019

Një studim i kohëve të fundit që përfshin mbi 3,600 punëtorë në industrinë e teknologjisë ka zbuluar se Elon Musk, është lideri “më frymëzues” në këtë industri për vitin 2019.

Pas drejtorit ekzekutiv të Tesla dhe SpaceX renditen titanët e tjerë të teknologjisë të disa prej kompanive më të mëdha në botë, përfshirë Jeff Bezosin e Amazon, Satya Nadella të Microsoft dhe Jack Ma i Alibabas.

Sondazhi u krye nga kompania kërkimore Hired. Për raportin e saj, kompania u kërkoi të anketuarve të saj të renditnin drejtuesit e teknologjisë që ata konsiderojnë si frymëzues. Musk doli në krye, shkruan Teslarati, përcjell Telegrafi.

Ekzistojnë disa arsye pse ekzekutivi i SpaceX dhe Teslas u vlerësua si më frymëzuesi. Një nga këto arsye është fakti që ai nuk frikësohet t’i vendos vetes qëllime të mëdha.

Në një kohë, kur ideja e fluturimit privat hapësinor konsiderohej e çmendur, ose ideja e një makine elektrike konsiderohej e papranueshme; megjithatë me vendosmërinë e Muskut këto gjëra tani janë bërë realitet. Ai ka një tendencë të mos i mbajë premtimet për shkak të optimizmit të tij, por gjithsesi i përmbush ato, edhe pse pak vonë.

Një arsye tjetër e cilësive frymëzuese të Muskut është mungesa e hezitimit të tij për të vendosur veten në rrezik. Gjatë ditëve të para të SpaceX, Musk investoi gjithçka në suksesin e kompanisë hapësinore dhe udhëhoqi Teslan gjatë krizës financiare për ta ndihmuar atë të lundronte në një periudhë të pafalshme që madje as General Motors nuk ishte në gjendje të mbijetonte.

Musk kurrë nuk e ka braktisur këtë zakon. Ai fjeti mbi një divan në njërën prej dhomave të konferencave të fabrikës së Teslas, kur kompania po përballej me probleme të mëdha. Kur u pyetën pse ai vendos ta fusë veten në rrezik dhe siklet, Musk ishte u tregua i sinqertë.

“Arsyeja që fjeta në dysheme nuk ishte se unë doja që rrethanat e mija të ishin qëllimisht më të vështira se kushdo tjetër në kompani. Çfarëdo dhimbjeje që ndjenë ata, unë doja që imja të ishte më e madhe. Kjo është arsyeja pse unë e bëra atë”, kishte thënë Musk.

Lexo po ashtu Bezos përballë Musk - dy stile të ndryshme të udhëheqjes

E njëjta gjë vlen për përmirësimet e kompanisë në teknologjinë e saj Autopilot. Në një deklaratë për shtypin, anëtarët e ekipit të zhvillimit të kësaj teknologjie zbuluan se Musk përdor veten si subjektin kryesor të testimit për sistemet e kompanisë. Kjo rezulton në njëfarë rreziku për shefat, me anëtarët e ekipit duke deklaruar se Musk e gjen veten në “situata në të cilat shumë prej nesh nuk do të dëshironte të futej”. /Telegrafi/