Buxhaku: QMK është në gjendje më të vështirë se para 15 viteve

Situata në Qendrën për Menaxhim me Krizat është më e keqe se në kohën kur u formua, thotë drejtori Agron Buxhaku, i cili në 2005 ishte drejtori i parë i institucionit. Në një intervistë për “Radion Evropa e Lirë” ai thotë se kultura demokratike dhe institucionale është e nevojshme për zbatimin e ligjeve në vend.

“Shkurt, do të thoja që nuk është përmirësuar, por është përkeqësuar që kur e lashë si institucion të ri dhe u transferova në Kuvend si deputet, dhe unë isha këtu vetëm nëntë muaj. Kemi pasur shumë ambicie, një ligj të ri, një klimë të re, por për fat të keq për arsye subjektive dhe objektive situata është shumë më e keqe nga sa prisja”, tha Buxhaku.

Ai thotë se QMK ka një buxhet të vogël, i cili do të shkurtohet vitin e ardhshëm, siç parashikohet nga ministri i financave, ndërsa rreth 92 përqind e buxhetit do të shkojë vetëm për paga.

“Ne jemi vetëm për pagat dhe shpenzimet minimale, po të mos ishin institucionet ndërkombëtare të cilat na ndihmojnë, siç janë USAID, XHAJKA e Japonisë dhe agjensia gjermane e ndihmës GIS dhe BE, do të ishte e vështirë të bënim punën tonë”, tha ai./Telegrafi/