Apple përgjigjet ndaj kritikave për kushtet e rënda të punës në fabrikat e tyre kineze

Apple i është përgjigjur një raporti nga një grup që kritikoi kushtet e punës në një fabrikë ku u prodhuan iPhone.

Sipas raportit, punëtorët e Foxconn nuk po merrnin bonuse, po shtyheshin të punonin jashtë orarit dhe shumë punëtorë të përkohshëm po punësoheshin.

Sipas ligjit kinez, vetëm 10% e një fuqie punëtore mund të jetë e përkohshme.

Apple pranoi se numri i stafit të përkohshëm “tejkaloi standardet”, por mohoi pretendimet e tjera.

Grupi i fushatave, China Labour Watch, tha që hetuesit e tyre kishin kaluar kohë duke punuar në fabrikën e Zhengzhou, dhe një person në ekip kishte qenë atje për më shumë se katër vjet.

Ai pretendoi se 50% e stafit në fabrikë ishin të përkohshëm, disa prej tyre studentë dhe nuk po merrnin bonuset e premtuara.

“Ne kemi konfirmuar se të gjithë punëtorët janë duke u kompensuar në mënyrë të duhur, përfshirë çdo pagë dhe shpërblim jashtë orarit, të gjitha orët shtesë ishin vullnetare dhe nuk kishte dëshmi të punës së detyruar,” tha Apple në një deklaratë.

Muajin e kaluar, Amazon tha se do të hetojë pretendime të ngjashme të bëra nga China Labor Watch në lidhje me numrin e praktikantëve adoleshentë që punojnë me orë të gjata për të prodhuar pajisje Echo, gjithashtu në fabrikat Foxconn. /Telegrafi/