Shpërblimi me kënaqësi seksuale

Më të bukurat gra janë ato që na duan. (Gabriel Laub)

Abdirahim Idrizi
Poliklinika “Galaxy”
abdirahimidrizi@gmail.com

Kujdes, mos e ndrydh seksin, atyre që e ndrydhin seksin, a e dini se çfarë u ndodh? Shumë varet prej teje, çfarë do të bësh: afrohuni pranë njëri-tjetrit, lëvizni brenda njëri-tjetrit, mësojeni mirë atë, silluni me kujdes të veçantë, kjo është energjia që riprodhon lumturi dhe gëzim.

Kjo është lënda e parë, kjo është aroma e lules, ledhatoje lulen me sy, mos e prek se ajo loton, atëherë ajo do të shpërblejë me vlerë të madhe. Njeriu është shpërblyer me kënaqësi seksuale, ne në përgjithësi jemi të tillë. Hulumtoje me kujdes, dije o njeri se pa një përkushtim të madh nuk ka dashuri.

Unë nuk jam duke folur për kënaqësinë e thjeshtë. Ta kuptosh kënaqësinë e thellë, ajo të jep energji, ajo të lejon të futesh brenda, të zhytesh në brendinë e shpirtit, është diçka shumë e çmuar, sepse ti si njeri ke ardhur prej saj, sepse të gjithë kënaqen me këtë, se gjithë bota është kënaqësi seksuale.

Seksi është mënyra e jetesës, seksi të jep energji të freskët për t’i përballuar krizat, rreziqet e ndryshme, pavarësisht çfarë thonë predikuesit fetarë.

Trupi nuk njeh asnjë ligj tjetër, natyra është gjithëpërfshirëse, aty nuk ka përjashtime, ti mund të lindësh vetëm nga seksi, seksi është fillimi i lindjes, por jo edhe mbarimi. Qëndroni besnik dashurisë, ke një partner apo më shumë, kjo është diçka tjetër, nuk e kam fjalën këtu sa ti je besnik në dashuri, kjo është me rëndësi.

Nëse ti jeton me një femër/mashkull dhe nuk e do, atëherë ti jeton në mëkat, nuk e do, megjithatë vazhdon të jetosh dhe bën dashuri e bën shkaku i obligimit e jo dëshirës, ti je kundër dashurisë. Kjo është po aq e padrejtë, sikurse ti të shkosh dhe ta përdhunosh femrën që e dashuron. Kjo është obligim ndaj martesës, e jo vullnet i shpirtit.

Ju nuk duheni por jeni të detyruar të jetoni bashkë, kjo është që ti jeton me një partner gjithë jetën. Këtu nuk ka asgjë të keqe. Nëse ti i qëndron besnik dashurisë, është diçka shumë e bukur, është të mbetesh me të njëjtin njeri, afërsia mes jush rritet. Por në shumicën e rasteve, është e sigurt nuk ka dashuri, thjesht jetojnë bashkë.

Kur jetojnë bashkë, rritet marrëdhënia e caktuar dhe këto janë marrëdhënie të jetës së përbashkët, por jo të dashurisë, por paraqiten se janë në dashuri.

Kjo është e bukur nëse është e mundur, nëse ti e dashuron njeriun dhe jeton me atë gjithë jetën, do të rritet afërsia e madhe, kurse dashuria do të japë ty gjithnjë më shumë zbulime të thella.

Afërsia është diçka shumë e bukur, por kërkesa themelore është të duash – të dashurosh.

Nëse ekziston dashuria, gjithçka është e lejuar, në rast se nuk ka dashuri, atëherë asgjë nuk është e lejuar. Nëse nuk e dashuron gruan tënde, ti mos e prek, sepse kjo është ndërhyrje në personalitetin e saj. Nëse nuk e do femrën, mos u shtri të flesh me të, vetëm kur ti e do, e dashuron, është e lejuar gjithçka.

Pra, mos iu afro as mashkullit e as femrës që nuk i do, mos qëndro për hatër, qëndro për hir të epshit dhe të dëshirës, të ndjenjës që të ka lindur përbrenda, sepse vetëm kështu, nga kjo dëshirë, ti do të futesh në kontakt të thellë. Ky kontakt do ta ndryshojë jetën tënde.

Të jesh i vërtetë dhe të futesh në dashuri, hidhi të gjitha maskat, fytyrat false që ti je mësuar t’i mbash.

Hape zemrën e mos lejo të kesh sekrete, ndryshe nuk do të ketë dashuri: ti nuk duhet të fshehësh asgjë, çfarëdo që lind në zemrën tënde, duhet të jetë transparente për të dashur (sekretet personale janë në shpirtin tënd, ato të forcojmë të jesh tolerant, të jesh i arsyeshëm).

Ju duhet të bëheni për njëri-tjetrin, duke u shkrirë në një, kjo është e vetmja rrugë për të arritur tek e brendshmja. /Telegrafi/