Disa video të dhunshme dhe për të rritur, do të hiqen nga YouTube

Disa ndryshime të rëndësishme po vijnë në YouTube dhe ato u njoftuan në fillim të kësaj jave.

Këto ndryshime do të zbatohen për videot e destinuara për një audiencë të re dhe mbase ky është një vendim i shkëlqyeshëm.

YouTube do të fillojë të heqë videot nga platforma e tyre nëse ato kanë përmbajtje për të rritur ose të dhunshme, por vetëm nëse ata synojnë fëmijët si audiencë.

Kjo do të thotë që nëse videoja përfshin fëmijët në titull, përshkrim ose etiketat dhe përmban tema të të rriturve, ajo do të hiqet.

Hapi i parë drejt këtij plani filloi me vendosjen e kufizimeve të moshës për video të tilla.

Vetëm kjo nuk do t’i ndalojë fëmijët t’i shikojnë ato, por kjo gjithashtu do të thotë që prindërit gjithashtu duhet të fillojnë t’i kushtojnë më shumë vëmendje asaj që fëmijët e tyre shikojnë në telefon ose tablet.

YouTube ka krijuar gjithashtu YouTube Kids, si një alternativë më e sigurt për fëmijët që të shikojnë videot e tyre të preferuara pa i ekspozuar ata në përmbajtje për të rritur. /Telegrafi/