Amazona po digjet. Brenda 48 orësh – 2500 zjarre të reja. Sao Paulo mbulohet nga errësira në mes të ditës, mushkëria e gjelbër e planetit është në rrezik, por presidenti i Brazilit, Bolsonaro nuk do këshilla nga bota.
Djegiet e jashtëzakonshme të pyjeve në Amazona bëhen shkas për tensione ndërkombëtare. Presidenti i Brazilit, Bolsonaro refuzoi këshillat që vijnë nga jashtë. “Qeveria braziliane është edhe më tej e hapur për dialog, që bazohet në të dhëna objektive dhe respekt të dyanshëm”, shkroi ai në twitter.
Ai kundërshtoi idenë e presidentit francez, Emmanuel Macron të trajtojë këtë temë në samitin e G7-s që fillon në Biarritz, Francë të shtunën. “Propozimi i presidentit francez, që të diskutojë problemet e Amazonës në samitin e G7-s, pa marrë pjesë vendet e rajonit, të le të mendosh për një mënyrë kolonialiste mendimi.” Më parë presidenti francez kishte shkruar në twitter. “Shtëpia jonë po digjet. Shprehimisht.” Ai u bëri thirrje vendeve të G7-s të trajtojnë këtë temë si “rast emergjent”.
Zjarret dyshohen se janë vënë nga fermerët
Brazili nuk është pjesë e samitit të 7 vendeve më të industrializuara. Bolsonaro shkroi, se atij i vjen keq që “presidenti Macron përpiqet që një çështje të brendshme të Brazilit dhe vendeve të rajonit të Amazonës ta instrumentalizojë për avantazhin e tij politik.”
Pas reagimeve nga e gjithë bota për djegien e pyjeve në Amazona, shprehen edhe Kombet e Bashkuara duke theksuar rëndësinë e pyjeve për planetin. “Ruajtja e pyjeve është me rëndësi vendimtare për luftën tonë kundër ndryshimit të klimës”, tha Stephane Dujarric, zëdhënësi i Sekretarit të Përgjithshëm të OKB-së, Antonio Guterres.
Ndërkohë drejtësia braziliane ka filluar hetimet për zjarret në pyjet e Amazonës. Në shtetin federal Para do të hetohet, pse “dita e zjarrit” e thirrur nga fermerët para një jave nuk u bllokua. Sipas mediave, fermerët në jugperëndim të Paras në një aksion të koordinuar u kishin vënë zjarrin sipërfaqeve të mëdha përgjatë një rruge kombëtare për të krijuar tokë për bagëtitë.
Presidenti Bolsonaro, i cili fillimisht akuzoi organizatat ambientaliste për vënien e zjarreve, që të tërheqin vëmendjen dhe të hedhin hije mbi qeverinë e tij, tani po ndryshon qëndrim. Ai pranoi, se me gjasë zjarret mund të jenë vënë ilegalisht nga fermerët. /DW/
Promo
Reklamo këtuLufta Prigozhin - Putin
Më shumëEdhe një iu shtua sot - sa shtete e njohin pavarësinë e Palestinës
Dhjetë aeroportet më të pastra në botë - vetëm një është në Evropë
Zelensky tregon se me çfarë faze të re të pushtimit rus po ballafaqohet Ukraina
Gjermania do t’i furnizojë ukrainasit me super radarë – këto janë karakteristikat e TRML-4D
Trupat ruse hyjnë në bazën ajrore në Nigeri, ku janë të stacionuar ushtarët amerikanë
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City