Ambasada e SHBA-ve: Çdokush që ka keqpërdorur besimin e qytetarëve duhet të përgjigjet

Ambasada e SHBA-ve në Shkup tërësisht e mbështet vendimin e prokurorisë që të hetojë dhe ndjek pohimet për korrupsion, në bazë të ligjeve dhe vlerësimit të fakteve.

“Për secilin që konfirmohet se e ka keqpërdorur besimin e opinionit duhet të përgjigjet”, thonë nga ambasada e SHBA-ve për “360 gradë” për situatën e krijuar me paraburgimin e shefes së PSP-së Katica Janeva për rastin “Haraçi”.

Për SHBA e rëndësishme është të theksohet se Prokuroria Speciale Publike luan rol kryesor në përpjekjet e Maqedonisë së Veriut për të demonstruar përkushtimin e vendit ndaj një gjyqësori të pavarur dhe përgjegjësi për krimet e kaluara dhe korrupsionit.

“Kjo është arsyeja pse është vendimtare të miratohet një ligj për Prokurorinë Publike, si pjesë e një përpjekje më të madhe për ndërtimin dhe forcimin e institucioneve të përhershme të sundimit të ligjit. Kjo do të sigurojë që Prokuroria Speciale Publike mund të vazhdojë punën e saj të rëndësishme dhe të vazhdojë të ndjekë çështjet e saj pa ndërprerje, e cila do t’i ndihmojë Maqedonisë së Veriut siç përparon në integrimin e saj drejt NATO-s dhe Evropës”, thonë nga ambasada./Telegrafi/