Nxënësit e American School of Kosova dallohen për arritjet e tyre akademike jashtë vendit

Së paku 3 nxënës që diplomojnë çdo vit nga American School of Kosova, arrijnë të fitojnë bursa në universitete ‘Ivy League’.

Mos të përmendim këtu dhe nxënësit tjerë që poashtu bëhen pjesë e universiteteve të ndryshme në Evropë dhe botë, qoftë me bursa të pjesshme, ndihma financiare që ofrohen nga universitetet, apo edhe përmes shkollave të ndryshme verore.

Vetëm këto vitet e fundit, nxënësit e ASK-së kanë arritur të bëhen pjesë e disa prej universiteteve më të mira në botë si: Harvard University, University of Pennsylvania, University of Oxford, Yale University, Hult University, University of Maastricht, Jacobs University dhe shumë të tjerë.

Mirëpo, çka po bën American School of Kosova që po arrin të dërgojë nxënësit në universitetet më të mira në botë?

Përgjatë 15 viteve, American School of Kosova ka bërë përpjekje të vazhdueshme që të sjellë dhe integrojë në kurrikulë programe kualitative ndërkombëtare prej të cilave nxënësit zhvillojnë shkathtësi thelbësore për jetë.

Duke filluar nga procesi i regjistrimit, i cili është mjaft konkurrues dhe selektues; American School of Kosova përzgjedhë nxënësit më të mirë dhe më me potencial, bazuar në notën mesatare të shkollimit paraprak, pikët nga testi MAP, sjellja dhe përfshirja në aktivitete ekstrakurrikulare.

Ajo më e rëndësishmja është që ASK i shtyen dhe i motivon nxënësit të punojnë sa më shumë. Me implementimin e programeve si Advanced Placement dhe Advanced Courses, nxënësit kanë arritur të zhvillojnë aftësitë e tyre në lëndët përkatëse madje edhe përtej potencialit të tyre. “Nëse ASK nuk do më kishte dhënë mundësinë të vazhdoja në një klasë më të lartë, jam i sigurt që do të kisha përkeqësuar shkathtësitë e mia në matematikë, sepse nuk do të kisha sfiduar veten më dhe do të isha dembelosur” shprehet Robert Preni, nxënësi që shënoi sukses te madh në matematikë në nivel botëror.

Në anën tjetër, ASK me programin CAS (Creativity Action Service) dhe me klube te ndryshme ju mundëson nxënësve të jenë pjesë e shumë aktiviteteve ekstrakurrikulare dhe eksperiencave nderkombëtare. Këto përvoja ndikojnë drejtëpërdrejtë në zhvillimin e personalitetit, pasioneve dhe shkathtësive tjera në fusha të ndryshme. Ish nxënësit e ASK-së si Drin Krasniqi dhe Dea Balaj të cilët momentalisht janë duke vijuar studimet me bursa të plota në Harvard University, SHBA, dhe Hult University, Angli, sugjerojnë që nxënësit sa më shumë t’i shfrytëzojnë këto mundësi, sidomos konferencat jashtë vendit, që organizohen në kuadër të klubit MUN (Model United Nation), pasi që mund të përftojnë shumë nga to.

Komunikimi i vazhdueshëm dhe bashkëpunimi i ngushtë nxënës-mësimdhënës-prind, ndihmon në progresin e nxënësit dhe parandalimin e problemeve me të cilat mund të ballafaqohen nxënësit si: keqmenaxhimi i kohës, përdorimi i tepërt i rrjeteve sociale, ngacmimi mes nxënësve (bulling) etj. Në këtë drejtim, ndihmojnë tej mase edhe programet këshilluese (Advisory programs) që mbahen me tema të tilla rregullisht nga kujdestarët e klasës dhe këshilltarja e shkollës.

Ne fund, dhe me e rëndësishmja, zyra per këshillim për karrierë ndihmon nxënësit jo vetëm me tërë procesin e aplikimit në universitet, mirëpo çdo muaj organizon sesione informuese për universitete, ku nxënësit informohen detajisht sa i përket dokumenteve dhe mënyrës së plotësimit të tyre për aplikim.

Të gjitha këto dhe shumë gjëra tjera që ofron American School of Kosova, ndikojnë që nxënësit e American School of Kosova të arrijnë sukses kudo në botë.

artikull i sponsorizuar