Roboti i frikshëm rus që javën e ardhshme do të niset për një mision në hapësirë

Agjencia hapësinore ruse, ka treguar robotin android me aftësi të mahnitshme antropomorfe, që do të jetë pjesë e një misioni në Qendrën Ndërkombëtare të Hapësirës dhe niset gjatë javës së ardhshme.

Fedor është quajtur ky robot i frikshëm rus, që është testuar në qendrën Bainkon Cosmodrone të Kazakistanit, për kapacitetin e baterisë dhe mundësitë e lëvizjes, transmeton Telegrafi.

Deri më tani, kjo makineri që është kërkuar të ndërtohet nga qeveria ruse, ka pasur mundësi të orientojë timonin, gjë që do të ishte shumë e nevojshme për këtë mision.

Skenat vinë vetëm pak kohë, para se Soyuz MS-14 të fillojë udhëtimin më 22 gusht. Me 1.8 metra lartësi dhe 105 kilogramë, pa pajisje shtesë, Fedor mund të ngritë deri në 20 kilogramë.

Deri më tani, është thënë se mund të lëvizë zvarrë, të ngrihet pasi të jetë rrëzuar, të ulet dhe ngrihet sërish nga ulësja e shoferit, si dhe të përdorë vegla në një ndërtesë normale.

Në pamjet e shpërndara së fundmi, ky robot shihet vetëm duke lëvizur njëjtë sikurse bën edhe një njeri që e ka pranë. /Telegrafi/