Zyrtarët turq dhe amerikanë përfundojnë bisedimet për zonën e sigurt në Siri

Zyrtarët ushtarakë turq dhe amerikanë janë pajtuar për formimin e një Qendre të Përbashkët Operacionale në Turqi për vendosjen e zonës së sigurt në veri të Sirisë, të koordinuar dhe menaxhuar bashkërisht, njoftoi Ministria turke e Mbrojtjes, transmeton Anadolu Agency (AA).

Bisedimet mes zyrtarëve të të dyja vendeve të cilat u zhvilluan mes datave 5-7 gusht, kanë përfunduar.

Në bisedimet është arritur marrëveshje që masat që do të merren në fazë të parë për eliminimin e shqetësimeve të sigurisë së Turqisë të zbatohen sa më shpejt, në këtë kuadër në një kohë sa më të shpejt të krijohet edhe Qendra e Përbashkët Operacionale në Turqi për vendosjen e zonës së sigurt në veri të Sirisë, të koordinuar dhe menaxhuar bashkërisht.

Zyrtarët ushtarakë turq dhe amerikanë gjithashtu kanë rënë dakord që zona e sigurt të jetë një korridor i paqes dhe të merren të gjitha llojet e hapave shtesë që sirianë të zhvendosur të kthehen në vendet e tyre.

Turqia pret formimin e një zone të sigurt prej 32 kilometrash në veri të Sirisë dhe ka theksuar se dëshiron që grupi YPG/PKK të pastrohet në rajon.