Ish-ambasadori i Kosovës në Austri dhe në Australi, Sabri Kiçmari, ka thënë se shoqëria në vendin tonë karakterizohet me gjendje të rëndë sociale, shkallë të lartë të papunësisë, rritje e ultë ekonomike dhe dëshpërim i madh shoqëror nga politika dhe shteti.
E gjithë kjo, pasi si pas tij politika nuk ka arritur të krijojë një fundament për punësim dhe rritje ekonomike solide.
“Mungesa e një sistemi të shtetit të mirëqenies sociale ka bërë që të mos ketë shpërndarje racionale të të mirave publike. Kjo ka pasur për pasojë rritjen e diferencave në mes të shtresave shoqërore”, ka thënë Kiçmari.
Ai është shprehur se zgjedhjet e reja janë një shans e mirë për subjektet politike për të rishqyrtuar tezat e tyre themelore programore në lidhje me sistemin ekonomik dhe social të vendit tonë.
” Në vend që subjektet politike të harxhojnë më shumë kohë për tema të tilla, ato përqendrohen në tema joproduktive (psh. dialogu me Serbinë), pa përmbajtje dhe bëjnë premtime pa mbulesë (psh. liberalizimi i vizave). Ato do të duhej të harxhonin kohë për të analizuar mundësitë e reformimit të sistemit tonë ekonomik dhe social”, thotë ish ambasadori.
Kiçmari ka paraqitur në variant të shkurtër tri llojet e shteteve sociale në botën perëndimore:
Modeli socialdemokratik skandinav i shtetit social përqendrohet në një përkujdesje dhe shpërndarje të gjerë sociale. Këtu kemi të bëjmë me principin e barazisë së të gjithë anëtarëve të shoqërisë pavarësisht kontributit dhe statusit të tyre në shoqëri. Ky model është një lloj modeli universal i shtetit social. Në këtë sistem synohet zvogëlimi i diferencave në të ardhura përmes shpërndarjes egalitare të të mirave publike. Ky model dominon në Suedi.
Modeli konservativ kontinental evropian bazohet në sigurimet sociale, pensionet, sigurimin nga papunësia dhe sëmundja. Synim i shtetit është ruajtja e standardit social. Tiparet dalluese të këtij modeli janë: ka një përqendrim të theksuar në sigurimin social përmes punës me pagë, të bazuar në përkatësinë klasore dhe statusin shoqëror dhe familjar. Ky model dominon në Gjermani.
Modeli liberal anglosakson. Te ky model dominon logjika e tregut dhe sigurimit privat. Sipas këtij modeli vendoset primati i përgjegjësisë vetijake dhe nuk preferon rrjet të fortë të sigurisë sociale. Ky model dominon në SHBA.
“Qytetari i Kosovës është punëtor. Ai është në gjendje të kryejë obligimin e tij në raport me shoqërinë, familjen dhe veten e vet, nëse i jepet mundësia të punojë. Fakti se ai është i papunë është problem strukturor dhe jo faj i tij. Partitë politike duhet të analizojnë me kujdes dhe të përcaktohen për variantin e preferuar për kushtet e Kosovës”, ka thënë Kiçmari /Telegrafi/
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Takimi i Kurtit me Baerbock, Ministria e Jashtme Gjermane: U diskutua se si t’i hapet rruga anëtarësimit të Kosovës në Këshill të Evropës
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë