Emery: Dua një kapiten anglez te Arsenali  

Trajneri i Arsenalit, Unai Emery pranon se dëshiron një lojtar anglez si pjesë e lidershipit të grupit të tij.

Emery ka pranuar për herë të parë se Arsenali mund të humbasë Laurent Koscielny për shkak të problemeve të fundi dhe kjo do të thotë se ata do të kërkojnë më shumë liderë pasi Petr Cech dhe Aaron Ramsey u larguan nga klubi këtë verë.

Trajneri spanjoll ka thënë se dëshiron lojtarë angleze për t’u bërë pjesë e lidershipit të skuadrës.

Lexo po ashtu Unai Emery: Granit Xhaka kandidat për kapiten të Arsenalit

“Dua një lojtar anglez nga pesë kapitenët. Vitin e kaluar Xhaka, Mesut dhe Nacho ishin si kapiten. Por, pasi Aaron Ramsey dhe Petr Cech u larguan – dhe ndoshta Laurent Koscielny – do të doja më shumë”, ka thënë fillimisht Emery.

“Një lojtar anglez i cili u rrit në akademinë tonë mund të kuptojë frymën angleze dhe vlerat e Arsenalit . Këto janë cilësitë dhe që duam”.

“Kemi humbur disa lojtarë me përvojë të madhe dhe një kohë të gjatë në Angli dhe te Arsenali si Cech dhe Ramsey. Kemi humbur edhe Koscielnyn. Ata filluan një ditë të ishin kapiten kur ishin të rinj”.

Lexo po ashtu Xhaka si kapiten i Arsenalit: Na duhet shumë punë para fillimit të sezonit të ri

“Kemi lojtarë të rinj me përvojë, lojtarë që fillojnë për herë të parë për t’u konsideruar si kapitenë. Nëse vendosim për një lojtar ata kanë kapacitetin dhe meritojnë të kenë mundësinë të jenë kapiten”.

“Kërkoj përvojën e liderit, duke qenë një shembull në fushë dhe jashtë, karakterin dhe komunikimin me trajnerin dhe lojtarët e tjerë, aftësinë për të folur dhe për të qenë atje për tifozët, një lidhje të mirë dhe komunikim me klubin”, përfundoi spanjolli. /Telegrafi/