Policia e Kosovës ka njoftuar se manifestimi me rastin e festës “Vidovdan” në Gazimestan është zhvilluar pa asnjë incident të vetëm, përderisa ka mohuar shkrimet në mediat serbe, duke i quajtur si tendencioze dhe të paqëndrueshme.
Lidhur me manifestimet tradicionale të festës së ‘Vidovdan-it’ Policia e Kosovës thotë se me kohë kanë përgatitur planin operativ për menaxhimin e situatës së sigurisë, para, gjatë dhe pas këtij manifestimi.
“Qëllimi strategjik i planit policor përfshinte parapërgaditja dhe ndërmarrja e masave të nevojshme planifikuese, koordinuese dhe operative në mënyrë që manifestimi të zhvillohet në suaza normale, garantimi i lirisë së lëvizjes së lirë për të gjithë qytetarët e interesuar për pjesmarrje në manifestim dhe ofrimi i sigurisë, mbajtja e rendit dhe sigurisë publike dhe zbatueshmëria e ligjit në vend, shtimi i masave të sigurisë për të garantuar rend, qetësi dhe siguri publike, para, gjatë dhe pas manifestimit të ‘Vidovdanit’, kontrollimi dhe menaxhimi i rrjedhës së trafikut në të gjitha rrugët magjistrale, rajonale dhe ato lokale, përcjellja dhe sigurimi i eskortave, individëve dhe grupeve të veçanta, zbatimi i kompetencave dhe autorizimeve ligjore, përballë situatave të ndryshme dhe marrja e masave ndaj të gjithë shkelësve të ligjit, konform ligjeve të Republikës së Kosovës”, thuhet në komunikatë.
Policia e Kosovës thotë se në bazë të të dhënave nga terreni ka regjistruar 800 deri në 1000 pjesëmarrës, të cilët në mënyrë të organizuar kanë marrë pjesë në Graçanicë dhe Gazimestan të rajonit të Prishtinës, me rastin e festës me karakter religjioz të quajtur ‘Vidovdani’.
Po ashtu, thuhet se njësitet policore janë përkujdesur për mbarëvajtjen e manifestimit në Graçanicë, duke përfshirë edhe njësitet policore të trafikut të Prishtinës, të cilat kanë mundësuar qarkullimin e trafikut duke ri-drejtuar automjetet në rrugë alternative.
“Rreth orës 13:00, manifestimi ka vazhduar tek monumenti i Gazimestanit, ku kanë marrë pjesë 800 deri 1000 pjesëmarrës, ku njësitet policore janë përkujdesur për mbarëvajtjen e manifestimit si dhe rregullimin-orientimin e komunikacionit rrugor. Po ashtu Policia e Kosovës është përkujdesur për të mundësuar lëvizjen dhe qarkullimin e lirë për të gjithë pjesëmarrësit që kanë qenë pjesë e manifestimit, duke përfshirë edhe qytetarët tjerë të cilët nuk kanë qenë pjesë e këtij manifestimi.
Referuar shkrimeve të medias serbe si ai dje me titull ” Skandal në Gazimestan” ku paraqiten edhe fotografi/pamje që disa nga to nuk nderlidhen fare me manifestimin e mbajtur gjatë ditës së djeshme (28.06.2019), në Gazimestan, por janë foto shumë të hershme, Policia e Kosovës sqaron opinionin dhe mediat e interesuara se këto publikime janë të pavërteta, përderisa ju informon se Policia pas reagimeve të shfaqura të disa pjesëmarrësve në manifestim dhe identifikimit të një personi që bartëte të veshur një fanelë me fotografi të një personi të dënuar për krime lufte nga gjykata kompetente ndërkombëtare, i ka sugjeruar të njëjtit që për shkak të mundësisë së shtimit të reagimeve të pjesëmarrësve të tjerë, shmangies së ndonjë keqkuptimi, të njëjtën mos ta ekspozoj. I njëjti sugjerimet e Policisë i ka pranuar dhe vlerësuar duke hequr fanelen vullnetarisht pa asnjë lloj imponimi dhe ka vazhduar me pjesëmarrjen në manifestim pa ndonjë problem”, thuhet në reagimin e policisë.
Manifestimi ka përfunduar pa asnjë incident të vetëm dhe pjesëmarrësit janë shpërndarë të qetë në formën siç edhe kishin ardhur.
Policia e Kosovës mbetet e përkushtuar në realizimin e detyrave dhe autorizimeve të saj ligjore, zbatimin e Kushtetutës së RKS-së dhe falendëron të gjithë qytetarët pa dallim për bashkëpunimin dhe mbështetjen e vazhdueshme në funksion të garantimit të një mjedisi të qetë e të sigurtë për të gjithë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Prezantohet rrejshëm si oficer korrektues, Policia arreston të dyshuarin në Zveçan
VLEN: Kemi ndarë 100 milionë për komunat, do të përmirësohet infrastruktura në zonat shqiptare
Një autobusi në veri ia thyejnë parafangot dhe pasqyrat, të dyshuarit dolën me shkop druri nga një veturë
Përleshja masive në Emshir, shtatë të arrestuar – sulmuan katër persona, në mesin e të cilëve edhe një grua
Kush i fiton zgjedhjet parlamentare të 9 shkurtit, komentojnë analistët
Çanak: Sulmi në Banjskë, fundi i luftimeve midis Serbisë e Kosovës
Valtonen: Finlanda dhe Kosova kanë një lidhje të fortë, mbështesim integrimin euroatlantik të Kosovës
Largimi i masave ndaj Kosovës, BE: Nuk ka asgjë të re, diskutimet vazhdojnë në Këshill
Ambasadori Hill: SHBA-ja nuk i miraton as nuk i koordinon veprimet e Prishtinës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë tregonte harta dhe ‘plani i Netanyahu për Gazën’?
Çanak: Sulmi në Banjskë, fundi i luftimeve midis Serbisë e Kosovës
Kush i fiton zgjedhjet parlamentare të 9 shkurtit, komentojnë analistët
Çfarë kërkoi Rabiot që frikësoi Juventusin, Milanin dhe klubet në Turqi
Zbulohen top 10 lojtarët më të paguar te Man United - dominohet nga "dështakët"
San Marino merr fitoren e parë pas më shumë se 20 vitesh