Gjashtë sekondat e shkatërrimit të kontrolluar të urës vdekjeprurëse në Itali – aty ku më parë kishin gjetur vdekjen 43 persona (Video)

Gjashtë sekonda të shpërthimeve të kontrolluara “fshinë” rrënojat e një ure të shembur në qytetin verior të Italisë, Gjenova.

Sipas mediave të huaja, përcjell Telegrafi, bëhet fjalë për urën e vjetër e cila pa një nga tragjeditë më të këqija në historinë moderne italiane kur u rrëzua vitin e kaluar, duke vrarë 43 vetë.

Siç bëhet e ditur, eksplozivët rrëzuan dy shtylla kryesore të urës së Morandit, duke hedhur në ujë mbi 20,000 metra kub çeliku dhe betoni dhe duke parandaluar shpërndarjen e madhe të pluhurit.

Lexo po ashtu Autoritetet italiane publikojnë për herë të parë pamjet rrëqethëse të shembjes së urës në Genoa (Video)

Ndryshe, me një shtrirje prej 200 metrash ajo u shemb më 14 gusht në një shi të rëndë, duke bërë që dhjetëra automjete të zhyten në tokë në një thellësi prej 50 metrash.

Lexo po ashtu Shoferi i kamionit që frenoi pak centimetra para se të shembej ura në Genoa, rrëfen tmerrin që e kishte përjetuar (Foto)

Vetëm 14 vetë mbijetuan në rrëzimin ndërsa 43 vetë vdiqën në tragjedi, përfshirë tetëvjeçarin, Samuele Robbiano, viktima më e re.

Një fatkeqësi e tillë thuhet se ka nënkuptuar gjithashtu një distancë të gjatë për shoferët që duan të shkojnë më tej në Francën jugore dhe tani po shkatërrohet për të bërë rrugë për infrastrukturën e re. /Telegrafi/