Michel Platini lirohet pas arrestimit për korrupsion

Ish-presidenti i UEFA-s, Michel Platini, është liruar nga paraburgimi, pas arrestimit që ndodhin në mëngjesin e të martës.

Legjenda e futbollit francez ishte në krye të futbollit evropian nga vitit 2007 deri në vitin 2015, por më pas u suspendua për katër vite në bazë të fakteve që ishin gjetur për keqpërdorime.

Por, Platini u arrestua dje nga policia e Francës nën akuza për korrupsion në organizimin e Kampionatit Botëror në Katar për vitin 2022.

Francezi është nën akuza për blerje të votave, derisa Katarit mund t’i hiqet organizimi i Kupës së Botës, për ta zhvendosur në një vend tjetër.

Avokati i Platinis, William Bourdon, ka thënë se ish-kreu i UEFA-s është liruar nga paraburgimi pa ndonjë gjobë, duke shtuar se është bërë bujë mbi asgjë.

Lexo po ashtu Katarit mund t’i hiqet organizimi i Kampionatit Botëror 2022, nëse zbulohet se janë blerë votat

“Po, zotëri Platini është liruar nga paraburgimi dhe mendoj se është bërë bujë e madhe për asgjë”, ka thënë shkurtazi avokati i 63-vjeçarit.

Autoritet në Francë janë duke vazhduar hetimet ndaj këtij skandali që u zbulua ditën e djeshme, por që daton nga viti 2010. /Telegrafi/