Reeves pranon se ndihet i vetmuar, ndërsa thotë se është i mërzitshëm në jetën e përditshme

Keanu Reeves është një prej yjeve më modestë të Hollywoodit, gjithmonë ka kohë për intervista dhe gjithmonë përpiqet të jetë shumë i kulturuar.

Ndërsa në një prej prononcimeve më të reja ka pranuar se ndihet i vetmuar dhe shpreson ta gjejë dashurinë e madhe.

Lexo po ashtu Keanu Reeves, aktori modest që përjetoi shumë tragjedi në jetë

Aktori së fundmi ka qenë i angazhuar me promovimin e filmit më të ri, “John Wick 3: Parabellum”, në të cilin luan krahas Halle Berry.

Duke folur për Jakarta Post, Keanu e ka komentuar vazhdimin e tretë për John Wick, si dhe iu është përgjigjur disa pyetjeve personale. Njëra prej tyre kishte të bëjë me dashurinë, ndërsa ai ka thënë se në kohën e fundit ndihet i vetmuar.

“Tash për tash nuk kam dashur. Por, nëse ndonjëherë shfaqet, unë do ta dua dhe do ta respektoj atë person. Shpresoj që dashuria të më ndodhë sa më shpejt”, ka thënë Reeves.

Ai ka shtuar se nuk shqetësohet shumë për gjërat romantike, teksa ka thënë se nuk e konsideron veten të veçantë.

“Unë jam aktor, vazhdimisht më ndjekin fotografët. Por, përveç kësaj, nuk dal shumë dhe nuk bëj shumë gjëra. Jam kryesisht i mërzitshëm”, ka thënë 54-vjeçari. /Telegrafi/