Ekzekutohet përdhunuesi dhe vrasësi i disa grave, një nga të mbijetuarat sheh ekzekutimin e tij – rrëfen edhe ngjarjen (Foto/Video)

Një vrasës serik dhe dhunues i cili terrorizoi Floridan gjatë viteve ’80 dhe vrau 10 gra u ekzekutua të enjten.

Sipas mediave të huaja, përcjell Telegrafi, Bobby Joe Long, 65 vjeç, u kap pas vrasjeve në vitin 1984, kur lëshoi viktimën e tij të vetme të mbijetuar, Lisa Noland, pasi e përdhunoi atë gjatë një periudhe prej 26 orësh.

Dhe disa vite më vonë, ishte pikërisht Lisa ajo që vëzhgoi se si Long iu dha injeksioni vdekjeprurës në Burgun Shtetëror të Floridës.

Long thuhet se paraprakisht hëngri vaktin e tij përfundimtar të mishit të pjekur, proshutë dhe patate të skuqura, përpara se ai të shpallet i vdekur në ora 6.55 lokale.

Sipas dëshmitarëve, ai nuk kishte ndonjë fjalë të fundit, thjesht i mbylli sytë derisa filloi procedura.

Zbatimi i ligjit kishte disa të dhëna deri në rastin e Lisa Noland, i cili mbijetoi një nga sulmet e Long.

Vrasësi e kishte tmerruar zonën e Tampa Bay, ndërsa gratë filluan të shfaqen të vdekura e trupat e tyre shpesh janë lënë në pamje të tmerrshme.

Zbatuesit e ligjit nuk kishin të dhëna të mjaftueshme deri në rastin e Lisa Noland, e cila mbijetoi një nga sulmet e Long.

Ajo ishte dëshmitare e ekzekutimit të së enjtes nga radhët e para. Lisa, atëherë Lisa McVey, ishte vetëm 17 vjeçe kur u rrëmbye nga Long jashtë një kishe.

Ai përdhunoi dhe e keqtrajtoi atë për orë të tëra, por më në fund e la të lirë. Ajo ofroi informata policisë që u mundësoi atyre që ta kapnin atë.

Gjithsesi, ajo ka rrëfyer se pas përdhunimit ajo edhe kishte menduar vetëvrasjen.

Long pohoi krimet, duke marrë 28 dënime me burgim të përjetshëm dhe një dënim me vdekje për vrasjen e Michelle Simms, 22.

Kështu, të enjten Lisa u pozicionua në dhomën e dëshmitarëve ku shpresonte që Long do ta shihte.

Ajo tha: ‘Doja ta shikoja atë në sy. Doja të isha personi i parë që ai sheh. Për fat të keq, ai nuk i hapi sytë. ‘Ishte ngushëlluese të dije se kjo po ndodhte.’

Ndërkohë, një dëshmitar tjetër thuhet se mbante një këmishë me një foto të një viktime në anën e përparme ku shkruante “E shkuar, por jo e harruar”. /Telegrafi/