Presidenti i vendit, Hashim Thaçi pas kthimit nga Berlini, ka folur rreth Samitit të Berlinit me liderët e Ballkanit Perëndimor, i cili u ftua nga kancelaria gjermane Angela Merkel, dhe presidenti francez Emmanuel Macron.
Thaçi gjatë konferencës për media tha se në Samitin e Berlinit është diskutuar për raportet në rajonin e Ballkanit Perëndimor.
“E kam theksuar shumë qartë se perspektiva evropianë fatkeqësisht për Kosovën vazhdon të mbetet një frazë e mirë për veshët por nuk po bëhet asgjë konkrete nga Bashkimi Evropian për Kosovën. Jostabiliteti aktual në marrëdhëniet e Kosovës me shtetet fqinje, është rezultat i mosnjohjes së Kosovës nga shteti i Serbisë dhe Bosnja e Hercegovina”, ka thënë Thaçi.
Ai ka shtuar se edhe 20 vite pas luftës dhe 11 vite pas shpalljes së pavarësisë, Serbia vazhdon ta cenojë Kosovën.
“Serbia vazhdon të cenojë Kosovën, të sillet në mënyrë joevropiane, e Bashkimi Evropian vazhdon të heshtë ndaj kësaj sjellje armiqësore dhe antievropiane të Serbisë. Kjo sjellje antievropiane e Serbisë, ka bërë të ketë ngrirje të njohjes së Kosovës nga pesë vendet e BE-së. Si rrjedhojë, Kosova e ka të pamundur të bëjë hapa konkret për anëtarësim në BE dhe NATO”, u shpreh Thaçi.
Presidenti tutje foli edhe procesin e dialogut, ku theksoi se Serbia vazhdon ta kushtëzoj rifillimin e këtij procesi, raporton Telegrafi.
“Dialogu i filluar në vitin 2011 tani është i bllokuar nga Serbia, e cila ka kushtëzuar vazhdimin e tij me lloj lloj kërkesash. Dialogu nuk mund të kushtëzohet nga asnjëra palë. Pak a shumë për shkak të ndikimit negativ të Serbisë, marrëdhëniet e Kosovës me Bosnjën e Hercegovinën janë në nivelin më të ulët, e kjo u pa edhe në takimin e Berlinit, dhe kjo është shqetësuese”, theksoi presidenti Thaçi.
Thaçi më tej shtoi se normaliteti dhe pajtimi mes Kosovës dhe Serbisë është i pamundur për aq kohë sa nuk dënohet gjenocidi i Serbisë në Kosovë dhe për aq sa kohë ajo vazhdon ta mohojë atë.
“Serbia i ka pamundësuar Kosovës që të zbatojë në praktikë marrëveshjen për themelimin e Asociacionit të komunave me shumicë serbe në Kosovë. Është veprim i papranueshëm kushtëzimi i dialogut me heqjen e taksës. Vendosja e taksës ka qenë vendim i domosdoshëm dhe legjitim dhe si i tillë mbetet në fuqi”, u shpreh Thaçi.
Presidenti u tregua i ashpër edhe me pesë vendet e Quintit, si Italia, Gjermania, Mbretëria e Bashkuar dhe Shtetet e Bashkuara të Amerikës për mosunitet rreth arritjes së një marrëveshje gjithëpërfshirëse mes Kosovës dhe Serbisë.
“Përpjekjet tona të përbashkëta për arritjen e një marrëveshje gjithëpërfshirëse janë injoruar. Faktori ndërkombëtarë në mënyrë specifike, vendet e Quintit nuk kanë dëshmuar unitet dhe përkrahje unike në përpjekjet tona për arritjen e një marrëveshje gjithëpërfshirëse që do të përfundonte me njohje reciproke. Ky mosunitet ka pasur reflektime negative në sferën lokale por edhe atë ndërkombëtare. Unë vazhdoj të jem ai që bënë thirrje që ky unitet mes shteteve të Quintit të ndërtohet, sepse ai unitet i tyre do të mund të sjelltë një fuqizim dhe angazhim edhe në Kosovë por edhe në Serbi në mënyrë që të jetë një marrëveshje e pranueshme, gjithëpërfshirëse, ligjërisht obliguese e që do të përfundonte me njohje reciproke”, tha Thaçi.
Ai e ritheksoi se nuk mund të ketë marrëveshje përfundimtare Kosovë-Serbi pa rolin e SHBA-ve.
“Marrëveshja përfundimtare Kosovë-Serbi është e pamundur pa rolin vendimtar të SHBA-ve”, u shpreh Thaçi.
Thaçi shtoi se në Samitin e Berlinit nuk ka dalë asnjë ide e re për marrëveshjen përfundimtare Kosovë-Serbi dhe se të gjitha alternativat janë të hapura për mundësinë e arritjes së një marrëveshje përfundimtare.
Presidenti nuk kurseu kritika për Bashkimin Evropian edhe sa i përket liberalizimit të vizave , duke thënë se Kosova vazhdon të mbetet padrejtësisht si vendi më i izoluar në Evropë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Server: Qeveria e re e Serbisë me bashkëpunëtorë të sulmit terrorist të Banjskës
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak