Gropa në pistë detyron anulimin e provave të lira të Formula 1 në Baku

Një situatë e pazakontë është regjistrua në provat e lira për garën e Azerbajxhanit në Formula 1, pasi sesioni u anulua për motive sigurie, nga një pikëpamje që askush nuk e priste.

Një pusetë u zbulua si kurth në mes të cirkuitit në Baku, duke e bërë situatën sa komike aq edhe problematike në një kampionat elitar të garave me makina, transmeton Top Channel.

Bolidi Williams e George Russell u dëmtua shumë pas një përplasjeje me një pusetë në pistë.

Lexo po ashtu Të gjitha lajmet nga Formula 1

Njëvendëshja u transportua në bokse, por la shumë mbetje të forta dhe vaj në asfalt, duke e bërë të pamundur vazhdimin e sesionit të provave. Piloti në fjalë rrezikoi të vuante një aksident më të rëndë.

A look at the incident that brought first practice to a premature end in Baku 👀#AzerbaijanGP 🇦🇿 #F1 pic.twitter.com/VikJY5ts4M

— Formula 1 (@F1) April 26, 2019

Në një moment më të hershëm ishte makina Ferrari e drejtuar nga Charles Leclerc ajo që vuajti problemet e paparashikuara, por ishte debutuesi britanik që e pësoi më keq.

Si të mos mjaftonte aksidenti i Russell, edhe automjeti që transportoi makinën e Formula 1, u përplas brenda cirkuitit me një urë mekanike duke i rikonfirmuar komisarëve të garës se anulimi ishte opsioni më i mirë.