Anagnostopulu: Qytetarët e Maqedonisë së Veriut duan perspektivë evropiane për vendin e tyre

“Dy kandidatët të cilët e përkrahin Marrëveshjen e Prespës kanë 11 për qind më shumë vota nga kandidatja e bllokut nacionalist, thotë ministrja alternative e Punëve të Jashtme të Greqisë, Sia Anagnostopulu në intervistë për radion “Praktorio fm” të agjencisë gazetareske greke ANA-MPA, në lidhje me rezultatet e rrethit të parë të zgjedhjeve presidenciale në Maqedoninë e Veriut.

Anagnostopulu konsideron se nuk është e besueshme të zgjidhet Siljanovska, por shton se madje edhe po të zgjidhet, në nivel ndërkombëtar nuk do të bëjë asgjë në lidhje me Marrëveshjen e Prespës, përcjell Telegrafi Maqedoni nga AIM.

“Konsideroj se edhe OBRM-PDUKM e ka kuptuar se as që mundet të bëjë diçka, as që dëshiron, sepse do të ketë reagim nga populli, sepse qytetarët e Maqedonisë së Veriut duan perspektivë evropiane për vendin e tyre, duan sinqeritet ndaj botës, sepse mbyllja, që nuk kishin kontakte me Greqinë edhe atyre u ka kushtuar shumë”, thotë Anagnostopulu në intervistë.

Ministrja alternative e Punëve të Jashtme të Greqisë tha se këtë javë, në Parlamentin grek do të dorëzohen të dy marrëveshjet që kanë të bëjnë me hapjen e vendkalimeve të reja kufitare mes dy vendeve.

Në lidhje me komisionin për markat tregtare, Anagnostopulu thotë se marrin pjesë biznesmenë dhe ekspertë që t’i zgjidhin problemet që mund të dalin.

“Atë që e konstatuam është se prodhimet tona POP (markë mbrojtëse e preardhjes) dhe PGE (markë mbrojtëse gjeografike) absolutisht janë të sigurta. Për ata të cilët mund të ekzistojnë probleme, për ata do të jetë komisioni, që të japë zgjidhje”, thotë Anagnostopulu.