Zanfina Ismaili dhe Gold AG të tronditur reagojnë rreth vrasjes së vogëlushit shtatëvjeçar në Zvicër

Bazeli është i tronditur me vrasjen e 7 vjeçarit shqiptar të Kosovës, Iljas Mahmuti të enjten nga një grua 75 vjeçare, sipas të gjitha gjasave, me probleme mendore.

Një lajm i tillë ka tronditur të gjithë opinionin anë e kënd botës, e në veçanti shqiptarët, të cilët e kanë ndjerë më tepër ndarjen nga jeta të vogëlushit.

Lexo po ashtu Të shtunën në Bazel marsh solidarizues për shtatëvjeçarin e vrarë nga Kosova

Jo të pakta ishin edhe figurat publike që shprehën shqetësimin e tyre lidhur me këtë ngjarje.

Ishte fillimisht reperi Gold AG, ai i cili publikoi një fotografi të vogëlushit në InstaStory, me mbishkrimin: “Zoti të mëshiroftë e të shpërbleftë me xhenetin Firdeus”.

Reagime pati edhe nga këngëtarja e njohur Zanfina Ismaili, e cila e ka quajtur një qenie të poshtër dhe të pa shpirt atë që kryeu këtë vrasje.

“Probleme mendore? Me fmi 7 vjeq?!!! JO, eshte e poshter dhe pa shpirt! Pak jane 100 vite burg per kesi vrases/e femijesh!”, kanë qenë fjalët e saj në një fotografi të publikuar në InstaStory.

Ndërkohë, të shtunën, në orën 14, do të organizohet një marsh solidariteti në qytet. “Mblidhemi dhe startojmë nga Schutzenmattpark dhe do të ecim deri tek vendi i krimit në St. Galler Ring, dhe në fund në Gotthelferplatz mund t’i themi lamtumirë”, thuhet në eventin e krijuar në Facebook. /Telegrafi/