ASK sjellë ekspertë ndërkombëtarë të mësimdhënies për samitin e arsimit, Kosovo Learning Summit 2019

Pas dy samiteve tejet të suksesshme në fushën e arsimit, edhe këtë vit, American School of Kosova do të mbajë konferencën ndërkombëtare për mësimdhënësit e Kosovës, me qëllim të zgjerimit të kapacitetit në mësimdhënie dhe rritjes së bashkëpunimit profesional në mes mësimdhënësve brenda dhe jashtë vendit.

American School of Kosova do të sjellë ligjërues të kualifikuar nga e gjithë bota, me përvojë me më shumë se 20 vjeçare në mësimdhënie, të cilët do të ofrojnë mbi 30 punëtori nga të cilat mësimdhënësit kanë të drejtën të zgjedhin.

Këtë vit, samiti do të fokusohet në atë se çfarë do të thotë të “mësojmë së bashku”. Pse ideja e mësuesit të izoluar vetëm me nxënësit e tij është kaq negative? Si mund të bëhemi një komunitet vërtetë profesional? Si mund të përdorim teknologjinë dhe mentalitetin e shërbimeve globale që të përfitojmë një mësimnxënie të thellë? Si mund të ndihmojmë nxënësit të ndërtojnë shkathtësi bashkëpunimi në mësimnxënie përbrenda klasës?

Për më shumë detaje, klikoni KËTU. /Telegrafi/