Me qindra dibranë, të cilët kryetari i opozitës, Lulzim Basha, i takoi në Dibër shprehën revoltën e tyre për mashtrimin dhe braktisjen nga qeveria, si dhe entuziazmin për t’iu bashkuar protestës së 16 Marsit në Tiranë. Shumë prej qytetarëve dibranë treguan mjerimin ku jetojnë, sesi kanë falimentuar këto vitet e fundit, për rritjen e papunësisë, mungesën e investimeve dhe të mosmarrjes së asnjë ndihmë nga qeveria,
Një blegtor i tregoi Bashës arsyet pse gjendja është me keq se kurrë më parë. “Jam blegtor, ndër fermat më të mëdha të Dibrës dhe të veriut. Asnjë subvencion. Më keq nuk bëhet. 2 mijë lek një litër naftë. Nuk i hedhim dot zotërit. Kemi shitur lopët. As Enver Hoxha nuk e ka bërë këtë që bën ky kriminel”, tha ai.
Basha i siguroi se kjo situatë duhet të ndryshojë nëse dibranët bëhen bashkë për të larguar të keqen, e cila drejtohet nga Edi Rama në Tiranë dhe Ymer Lala në Dibër.
“Kur vjen në pushtet me kriminelët, si kriminel qeveris. Dibra, më mirë se çdokush tjetër e di se çfarë do të thotë të vish në pushtet me kriminelët. Edhe socialistët e Dibrës e dinë se çfarë do të thotë. Kjo nuk është Dibra e dibranëve, por e Edi Ramës dhe Ymer Lalës”, tha Basha.
Një tregtar, që shiste mollët me më pak se 200 lekë/kg, i hodhi ato në rrugë, në shenjë revolte për skamjen që mbizotëron në qytet, ku dibranët nuk blejnë prodhime as me çmim kaq të ulët, sepse nuk kanë para.
Një tjetër biznesmen është detyruar të mbyllë dyqanin e tij të thertores për shkak të falimentit. “Thanë se do të na çojnë në Europë, na çuan në gropë”, tha ai.
Ndërsa një zonjë, ndonëse kishte nisur punën në lokal në orët e para të mëngjesit, kishte bërë xhiro vetëm 600 lek të vjetra. “Punë nuk ka. Kriza na ka mbuluar. Djalin e kam çuar emigrant sepse nuk del”, tha ajo.
Basha theksoi se shqiptarët nuk janë dembelë, por Shqipëria është kthyer në një vend ku shpërblehet krimi dhe jo punëtori.
“Dibra është vend punëtor dhe shqiptarët nuk janë dembelë, por qeveria e ka kthyer në një vend ku punëtorët ndëshkohen dhe kriminelët ecin përpara. Kësaj duhet t’i japim fund. Ju ftoj më 16 mars në Tiranë”.
“Biznesi është përtokë. Të jesh mes malit e të mos kesh ujë, është katastrofë. Papunësia katastrofë. Ishalla bëhet më mirë”, tha një pronar lokali.
Një tjetër banor denoncoi se është ftuar të jetë pjesë e PS e në këmbim të mos paguante energjinë elektrike, të cilën ai e ka refuzuar.
“Është fatkeqësi që është e majta në pushtet”, tha dikush tjetër, të cilin Basha e sqaroi se: “Është krimi në pushtet, jo e majta. Do ta heqim”. Dibra dhe Shqipëria, tha Basha, nuk duhet të jenë më çiflig i kriminelëve e hajdutëve, por i dibranëve dhe shqiptarëve.
“Ju jeni ngritur në protestë në Dibër. Ju ftoj më 16 mars në protestë në Tiranë për të ulur taksat dhe rritur mirëqenien. Në radhë të parë të largojmë këtë pengesë. Të mos jetë Dibra çiflig as i kriminelëve as i hajdutëve, por t’i kthejmë Dibrën dibranëve dhe Shqipërinë shqiptarëve”, tha Basha për banorët gjatë ecjes përkrah mijëra banorëve, të cilët mbanin pankartat, “Rama ik”, “Hapni Dosjen 184 Dosjen e Dibrës”. /Telegrafi/
Lufta Prigozhin - Putin
Më shumëNga Rubrika
Nuk dihet gjendja shëndetësore e katër të plagosurve në Lupç, shumë policë te hyrja në Emergjencë
Kovaçevski: Të gjitha forcat demokratike të mbështesin të ardhmen evropiane të Maqedonisë së Veriut
Vdes në vendin e punës punëtorja e një furre të bukës në Mitrovicën e Veriut
Të shtëna me armë në Lupç të Podujevës, katër të plagosur
Kosova pranë anëtarësimit në KiE, Bakoyannis: Asnjë kandidati nuk i janë kërkuar kaq shumë reforma
Hyn në fuqi marrëveshja, Shqipëria dhe Kosova heqin kontrollet në kufij për nëntë muaj
Hapet segmenti tre kilometra që lidhet me Urën e Kukësit, ura hapet plotësisht brenda qershorit
Kurti takon tri nënkryetaret serbe, konsultohet për lirinë e asocimit të komunave në veri
Gjykata Speciale, përfundon dëshmia e dëshmitarit të 60-të, gjykimi në ndaj Thaçit dhe të tjerëve rinis më 6 maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës