Meda ndërpret koncertin për t’i dhënë ndihmën e parë fanses që u alivanos para syve të tij

Një koncert i madh u mbajt në shtetin zviceran, ku ishin mbledhur qindra fansa të dy këngëtarëve.

Bëhet fjalë për këngëtarin Meda si dhe Taynën, të cilët performuan para fansave të tyre që kishin mbushur klubin Rinora 1.

Megjithatë, një prej të pranishmeve nuk u ndie mirë sa që u alivanos pranë skenës ku performonte këngëtari.

I menjëhershëm ishte edhe reagimi i artistit, i cili ndërpreu perfomrnacën për t’i dhënë ndihmën e parë fanses.

Më pas ka reaguar edhe këngëtarja përmes rrjeteve sociale duke thënë se deri tek incidenti erdhi pasi që salla ishte e tejmbushur.

“I falënderoj shumë të gjithë që kanë marrë pjesë në Rinora 4! Ju dua Shumë! Më vjen shumë keq që për shkak të sallës së tejmbushur disa pësuan alivanosje dhe nuk munda t’i ndihmoja. Performancën e ndaluam dhe vazhduam më vonë përsëri. Falënderoj stafin për përkujdesjen e fansave të mi! Shpresoj të jeni mirë!”, ka shkruar Tayna në Instagram.

Ndryshe, dyshja është duke punuar ndaras në projekte të reja muzikore që do t’i sjellin gjatë muajve në vijim. /Telegrafi/

https://www.instagram.com/p/Bu15AzdBFmX/