Vdes personi që u godit nga treni në Pejë

E plotësuar: Policia e Kosovës ka dhënë detaje për rastin e aksidentit në Pejë, ku treni ka goditur për vdekje një person në Pejë.

Policia njofton se në vendngjarje ekipi mjekësor ka konstatuar vdekjen e viktimës, S.L. (1968).

“Policia e Kosovës, përkatësisht Drejtoria Rajonale e Policisë Pejë, më 01.03.2019 rreth orës 05:42 është informuar për një rast i cili ka ndodhur në Pejë, në mes të një këmbësori dhe trenit të udhëtarëve. Menjëherë policia ka dalë në vendngjarje, ka bërë sigurimin e vendit të ngjarjes. Në vendngjarje ekipi mjekësor ka konstatuar vdekjen e viktimës, S.L. m/k/sh i lindur (1968)”, thuhet në njoftim.

Në vendin e ngjarjes ka dalë prokurori i shtetit, njësitë relevante të Policisë së Kosovës dhe Instituti i mjekësisë ligjore (IML) dhe nga këta të fundit është tërhequr trupi i pajetë për obduksion.

Hetuesit rajonal te DRP-Pejë janë duke bashkëpunuar ngushtë me prokurorin e shtetit për të hetuar të gjitha rrethanat lidhur me këtë rast.

Lidhur me detajet tjera do të informoheni me kohë. /Telegrafi/

E plotësuar: Ka ndërruar jetë personi që është goditur nga treni sot në orët e hershme të mëngjesit në Pejë.

Driton Rugova, zëdhënës i Policisë së Kosovës për rajonin e Pejës tha për Telegrafin se personi i goditur nga treni ka vdekur në vendngjarje.

Treni godet një person në Pejë

E plotësuar: Sot në orët e mëngjesit një person është goditur nga treni në Pejë.

Xhevat Ibraj, zëdhënës i Policisë së Kosovës për rajon e Pejës e konfirmoi rastin për Telegrafin, duke thënë se ngjarja ka ndodhur në orët e hershme të mëngjesit të së premtes.

Ai bëri të ditur se Policia është në vendin e ngjarjes dhe më vonë do të dalin me detaje shtesë. /Telegrafi/