Dieta që e ndihmoi Tyson Fury-n t’i humb 65 kilogramë

Në vitin e kaluar, boksieri i njohur Tyson Fury është shndërruar nga një mashkull me peshë 180 kilogramë që nuk mund ta vrapojë as një kilometër, në një makinë të skalitur me një peshë prej 117 kilogramëve

Por, si saktësisht ‘Gypsy King’ ka arritur ta humbas tërë atë peshë? Ju mund të mendoni se ai ka punësuar një ekip të nutricionistëve që e kanë detyruar atë të hajë sallatë çdo mëngjes, drekë e darkë, transmeton Telegrafi.

Por, faktikisht, Fury ka përdorur një teknikë diete e cila ka përfshirë shumë ushqime të cilat veçse kishin ndikuar që ai të shtonte peshë.

https://www.instagram.com/p/BmTaS3EDgoB/?utm_source=ig_embed

Gjatë një interviste të tij, Fury ka zbuluar se humbja e tij e mahnitshme e peshës i atribuohej “dietës së ‘ndyrë’ ketogjenike”, e cila e ndjekë konceptin e rregullt të dietës ketogjenike me konsumim të ulët të karbohidrateve, por që nuk brengoset se a hani proteina e yndyra të shëndetshme.

Pra, ai është lejuar të hante edhe djathë, hamburgerë dhe ushqime tjera me sasi të lartë të yndyrës.

“Unë gjatë kohës së transformimit haja shumë mish, të fërguar, me djathë, majonezë, vezë, virshlle. Dieta ime ka qenë ideale. Unë mendoja se kjo nuk është dietë, se nuk mund të humbas peshë me këtë lloje diete, por faktikisht ia arrita. I humba të gjitha kilogramët e tepërt”, ka deklaruar Fury.

https://www.instagram.com/p/BpfDVeIBrFr/?utm_source=ig_embed

Dieta normale ketogjenike është shumë e shëndetshme, por Fury e pranon se e ka bërë një version më ndryshe të kësaj diete, duke inkuadruar ushqime të pashëndetshme si majoneza.

Ushqimet që i ka konsumuar Fury për të humbur peshë janë të mbushura me yndyra të ngopura, të cilat jua rrisin kolesterolin dhe rrezikun e sëmundjeve të zemrës.

Patjetër se për humbjen e peshës ka ndikuar edhe një regjim rigoroz i ushtrimeve fizike, si dhe lënia e alkoolit. /Telegrafi/