Ledri Vula krenar për Prishtinën, festoi me zemër me Plisat: Ditë që nuk harrohet!

Z Mobile Prishtina ka arritur të shënojë fitore në ndeshjen dramatike ndaj Pinar Karsiyaka me rezultat 82-78, mbrëmjen e së mërkurës.

Plisat e kishin mbushur palestrën në Pallatin e Rinisë deh me atmosferë të zjarrtë iu dhanë zemër lojtarëve për të shkuar drejt triumfit.

Kësaj fitoreje i është gëzuar në masë të madhe edhe reperi i njohur Ledri Vula, i cili njëherësh ishte zëvendës kryetar i ekipit.

I njëjti ka qëndruar gjatë ndeshjes në radhët e para të tribunës për të parë nga afër lojën.

Vula ndau me ndjekësit e tij në llogarinë zyrtare në Instagram, ai ka publikuar një video nga ndeshja e zhvilluar mbrëmë, teksa ka shkruar në mbishkrimin e saj uratat më të mira për ekipin e zemrës.

“Historia u bë. U kualifikuam. Lojë e fuqishme, plot emocione dhe dashuri për këtë fushë, për fushën e Prishtinës. Krenar jam me ekipin për lojën që tregoi me krejt zemër në parket. Një meritë e veçantë për lojtarin e gjashtë në fushë – publikun/plisat për atmosferën. Një prej atyre ditëve që nuk harrohen. Faleminderit PrishtinaBC “, ka shkruar Ledri në Instagram.

https://www.instagram.com/p/Btj1Vw3oRWm/

Reperi përveç muzikës, ka tash e sa kohë që ka shtrirë aktivitetin e tij edhe në këtë klub basketbollistik. /Telegrafi/