Sindikatat e Shërbyesve Civilë pezullojnë grevën, presin miratimin e Projektligjit për Paga

Sindikata e Shërbimit Civil të Kosovës ka njoftuar se ka pezulluar grevën.

Sipas kësaj Sindikate pezullimi i grevës do të vlejë deri në miratimin e Projektligjit për Pagat në Kuvendin e Kosovës.

“Kjo duke u bazuar në premtimin e kryeministrit se nëse ndodhë rritja në ndonjë kategori tjetër do të përfshihen edhe Shërbimi Civil”, thuhet në vendim.

Sa i përket kërkesës së dytë, me pranimin e përvojës së punës të të dëbuarve nga puna në vitet e 90-ta, pezullimi vlen deri në krijimin e komisionit qeveritar në bashkëpunim me Sindikatat.

Ky vendim hyn në fuqi nga nesër, 31 janar 2019.

Lexo po ashtu Shërbyesit civilë të komunës së Prishtinës, hyjnë në grevë të përgjithshme

Ky vendim vjen pas takimit të sotëm të Kryeministrit të Kosovës Ramush Haradinaj me përfaqësuesit e Sindikatës së Shërbimit Civil të Kosovës.

Haradinaj dhe përfaqësuesit e Sindikatës së Shërbimit Civil të Kosovës u dakorduan që të fillojnë dialogun institucional të drejtpërdrejt në mes të Qeverisë dhe Sindikatave të Shërbimit Civil.

Shërbimi Civil i Kosovës ishte në grevë për dy ditë në kohëzgjatje nga një orë.

Në anën tjetër shërbyesit civilë në komunën e Prishtinës, kanë njoftuar se nga nesër do të mbajnë drevë të përgjithshme. /Telegrafi/