Hoxhaj: Serbia me lajme të rreme po ushtron presion ndaj shqiptarëve të Preshevës

Zëvendëskryeministri i Kosovës, Enver Hoxhaj, duke iu referuar një artikulli të publikuar nga portali “Informer” në Serbi, i cili njihet për publikimin e lajmeve të rreme, ka thënë se Serbia po vazhdon luftën e saj përmes fushatës informative me lajme të pavërteta.

Në një postim në Twitter, Hoxhaj tha se kjo tregon që Serbia nuk ka ndryshuar aspak që nga koha e Millosheviqit, pasi mediat e Vuçiqit, po ushtrojnë presion ndaj shqiptarëve të Preshevës përmes propagandës dhe akuzave të rrejshme që gjoja ata janë kërcënim i sigurisë.

“Serbia vazhdon luftën e saj informative përmes lajmeve të rreme. Kjo tregon që Serbia ska ndryshuar aspak që nga Milloshevici, pasi që mediat e Vucicit vazhdojnë të bëjnë presion ndaj shqiptarëve të Preshevës duke bërë propagandë dhe akuza të rrejshme që gjoja ata janë kërcënim i sigurisë. Non-sens!” ka shkruar Hoxhaj. /Telegrafi/

#Serbia continues its brutal information warfare through fake news!This shows SRB hasn’t change at all since Milosevic, similarly to Vucic’s media, who pressures Albanians in Presheva through propaganda & false accusations as a threat to security!Nonsense! https://t.co/K5C3puGTNN

— Enver Hoxhaj (@Enver_Hoxhaj) January 19, 2019