Deputetët britanikë kanë votuar kundër marrëveshjes së kryeministres Theresa May për shkëputjen nga Bashkimi Evropian, shkruajnë mediat britanike, përcjell Telegrafi.
Po sipas tyre, Parlamenti votoi 432 me 202 kundër marrëveshjes së saj, që po vlerësohet si humbja më e keqe parlamentare për një qeveri në historinë e fundit britanike – dhjetë javë para kohës kur vendi parashihej të largohej nga Bashkimi Evropian.
Vota më domethënëse ndonjëherë është zhvilluar në orët e vona të ditës së martë, pas një debati disa orësh rreth marrëveshjes për “Brexit”.
Një vendim i tillë ka ardhur edhe pse May u kishte bërë thirrje të gjithë politikanëve ta mbështesin marrëveshjen e saj.
Kryeministrja britanike iu është adresuar deputetëve të Parlamentit, në përpjekjen e fundit të saj për të siguruar mbështetje për marrëveshjen, përcjell Telegrafi.
Ajo ka thënë se një referendum i dytë do të krijonte një përçarje të mëtejshme.
Sipas saj, “jo marrëveshje” do të thoshte jo partneritet të sigurisë me BE-në.
Ajo gjithashtu tha se marrëveshja e saj ofron bazën për një partneritet ekonomik afatgjatë me BE.
May thotë që disa njerëz mendojnë se, duke mos votuar këtë marrëveshje, ata mund të dërgojnë qeverinë përsëri në Bruksel për të nxjerrë një marrëveshje më të mirë.
“Por BE nuk do të rihapë bisedimet”, tha ajo, shkruajnë mediat britanike, përcjell Telegrafi.
Duke përsëritur thirrjen për të votuar pro saj, May tha se një votë kundër marrëveshjes së saj është një votë për “pasigurinë, ndarjen dhe rrezikun shumë real të asnjë marrëveshje”.
Ndryshe, paraprakisht udhëheqësi i “Labour Party”, Jeremy Corbin ka thënë se kjo ka qenë një nga kohët më kaotike që ka përjetuar si deputet.
Corbyn ka thënë se nuk ka qartësi për të ardhmen në dokumentin e partneritetit të ardhshëm.
“Sekretari i mëparshëm i Brexit – një nga ish-sekretarët e Brexit – premtoi një dokument ‘të hollësishëm’, ‘të saktë’ dhe ‘substancial’. Qeveria dështoi ta dorëzojë atë. Kështu që unë konfirmoj se Laburistët do të votojnë kundër kësaj marrëveshjeje sonte sepse është një marrëveshje e keqe për vendin”, ka thënë ndër tjerash Corbyn. /Telegrafi/
Promo
Reklamo këtuLufta Prigozhin - Putin
Më shumë“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Çfarë thuhet në alarmin e NATO-s për aktivitetet 'armiqësore' ruse në Evropë?
Aktivistja nga Arabia Saudite dënohet me 11 vjet burgim "për shkak të veshjes"
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Zelensky tregon se kush janë ftuar në samitin e paqes në Zvicër
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe