As 40 pikët e Cappsit nuk e ndihmojnë Bashkimin, prizrenasit pësojnë humbje kundër Barsy Atyraut

Bashkimi ka pësuar humbje në kuadër të garave evropiane në Ligën Ballkanike.

Prizrenasit nuk kanë arritur të përballojë skuadrën kazake të Barsy Atyrau, e cila triumfoi me rezultat prej 81:75.

Portokallezinjtë ishin më të mirë në dy çerekët e fundit, por vendasit kishin krijuar diferencë të madhe në dy periudhat e para të takimit, të cilën arritën ta menaxhonin më së miri në vazhdim të ndeshjes.

Qysh në pjesën e parë vendasit treguan se janë më superior se skuadra jonë, ku njëzet minuta e para përfunduan me rezultat 19 pikë epërsi, 48:29, e cila deri në fund të ndeshjes u shkri, por jo aq sa për të humbur ndeshjen.

Basketbollisti më efikas te kampionët kosovar ishte amerikani J Jordan Capps, i cili ka realizuar më së shumti në ndeshje 40, por që nuk ishin të mjaftueshme për të shmangur humbjen.

Te Barsy më i miri ishte Aragad Abramian, i cili regjistroi 17 pikë gjersa po aq shtoi edhe bullgari Ivanov.

Pas kësaj, Bashkimi zë pozitën e gjashtë të renditjes tabelore me shtatë pikë gjersa Barsy një vend më poshtë me gjashtë pikë.

Ndryshe, kampioni i Kosovës takimin e radhës do ta luajë para shikuesve të vetë kundër skuadrës shqiptare të Teutës së Durrësit. /Telegrafi/