Gjykata Kushtetuese e Maqedonisë do të vendos për “nenin 353”

Gjykata Kushtetuese do të shqyrtojë dispozitën e nenit 353 të Kodit Penal dhe se tashmë ka një temë të hapur për këtë, informojnë nga Gjykata Kushtetuese për “TV24″. Tani për tani, është ende e paqartë se në cilën seancë do të gjendet kjo pikë, por ka gjasa të jetë në fillim të vitit të ardhshëm.

Çështja është formuluar dhe dorëzuar në Gjykatën Kushtetuese. Tani për tani nuk mund të japim më shumë informacione se iniciativa e kujt është, por ndoshta do të merret parasysh kur do të vijë koha”, thonë nga Gjykata Kushtetuese, përcjell Telegrafi Maqedoni.

Kjo ngre pyetjen nëse dikush përpiqet të ndryshojë Kodin Penal nëpërmjet Gjykatës Kushtetuese dhe pas stuhisë së reagimeve ndaj këtij neni, i cili u tërhoq në finalizimin e ndryshimit të Kodit Penal në procedurën parlamentare, la mundësi të hapura për ndryshime dhe konsideratë të mëtejshme. Se duhen ndryshime pajtohen edhe nga OBRM-Popullorja, nga ku thonë:

“Mënyra e paraqitjes së saj është e ngurtë dhe krijon hapësirë për hakmarrje midis partive politike që ndryshojnë me ndryshimin e pushtetit. Vetëm për të kujtuar se në vitin 1998 kjo pikë nuk ekzistonte fare, sepse ajo krijon hapësirë për manipulim ndërmjet aktorëve politikë”.

Në ndërkohë nga PSP nuk kanë qëndrim zyrtar por thonë se së shpejti dalin dhe se qëndrimin do ta ndërtojnë mbi bazën e konsultimeve me ekspertët e drejtësisë dhe opinionit./Telegrafi/