Ligji për amnisti edhe nesër nuk do të jetë para deputetëve. Draft-teksti është gati por duhet ta shqyrtojnë dhe miratojnë organet partiak dhe ekspertët juridik. Grupi për pajtim tani për tani nuk ka informacion se kur do të publikohet i gjithë teksti i ligjit. Partia Liberal Demokrate, thotë se akoma nuk e kanë shqyrtuar tekstin por thonë se nuk do të mbështesin amnisti të tillë pasi pushteti përzihet në punë të gjyqësorit.
“Mendojmë se një herë gjykata duhet të sjellë vendim të shohim se kush është fajtor e kush jo e më pas politikanët të mendojnë se është e nevojshme që dikë ta amnistojnë nga presidenti apo nga parlamenti. Në përgjithësi është keq kur kuvendi apo pushteti ekzekutiv përzihet në punët e gjyqësorit”, tha Goran Milevski, Deputet PLD-së.
Ambasadori i BE-së Samuel Zhbogar, u pyet por nuk foli për këtë. Ai tha se për ketë ligj do të prononcohet pasi zgjidhja ligjore të jetë zyrtare.
“Ligji për amnisti akoma nuk është zyrtar, tani për tani nuk mund të them diçka zyrtare për këtë”, u shpreh Samuel Zhbogar, Ambasador i BE-së.
Për amnistinë ka folur edhe ambasadori francez Thimonier. Ai thotë se ky proces duhet të bazohet në negociata të sinqerta mes partive politike dhe të sjellë stabilitet në vend.
“E gjithë kjo nuk mund të arrihet pa negociata të sinqerta mes partive të mëdha politike, por edhe duhet ta kenë qëllimin e njejtë. Dhe ajo të mos bëhet amnisti reciproke mes mafiozëve, por të jetë përmbushje e interesit të përgjithshëm. Zgjidhja mund të gjendet vetëm mes negociatave të gjëra, sepse amnistia mund të ketë edhe faza të njëpasnjëshme dhe qëllimi i amnistisë duhet të jetë pajtim i llojit të vet që është mjaft kompleks dhe duhet të sjellë koekzistencë që do të shkojë në drejtim të qëllimit thelbësor në vend. Cili është ai qëllim? Integrim evropian dhe integrim në NATO”, tha Christian Thimonier, Ambasador i Francës në Maqedoni.
Sipas informacioneve të TV21 nga rreth 70 të përfshirë në ngjarjet e dhunshme, së paku 17 persona nuk do të falen, mes të cilëve ish-drejtori i BSP-së, Mitko Çavkov dhe ish-shefi i DSK-së, Vlladimir Atanasovski, të cilin dëshmitarët në seancën për “të enjten e përgjakshme” e përmendën si organizator të sulmit dhe ngjarjeve të 27 prillit. 33 persona akuzohen për dhunën në shtëpinë ligjvënëse, prej të cilëve 28 për cenim terrorist të rendit kushtetues dhe sigurisë. Pasi që ligji të miratohet, secili i akuzuar do të ketë afat prej 5 ditëve të parashtrojë kërkesë për amnisti deri gjykata të cilët do ta vlerësojnë fajin e tyre për tu sjellë më pas vendimi./Tv21/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Boshnjaku nga Novi Pazari gjendet i vdekur në një hotel në Prizren
Në Gjakovë zbulohet monumenti i Skënderbeut
Rusët i futen tregut të pronave në Shqipëri, zyra biznesi në zonat bregdetare
Voziti me fëmijë në prehër - policia e dënon me 400 euro gjobë, 5 pikë negative dhe i merret patent shoferi për 6 muaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City