Gara e ngrënies së specave të djegës, kinezja arrin për 60 sekonda t’i ha 20 copë (Foto/Video)

Banorët e një qytetit në juglindje të Kinës kanë gjetur një mënyrë të pazakontë që të ngrohin trupin në këto ditë të ftohta të dimrit.

Derisa temperaturat në qytetin Yinchun në provincën kineze Jiangxi kanë rënë në 2 gradë celsius, banorët dhe turistët e këtij vendi kanë marrë pjesë në garën e ngrënies së specave të djegës duke qëndruar në pishinat e mbushura më ujë të nxehtë, transmeton Telegrafi.

Yi Huan banore e këtij qyteti është larguar në shtëpi me një shufër të floririt duke fituar kështu edhe titullin “Mbretëresha e specave të djegës”, kështu që brenda 60 sekondave ka arritur t’i ha 20 speca.

Fotografitë dhe videoja shfaq momentin kur garuesit janë mbuluar në djersë, derisa po hanin specat e djegës në ujin e nxehtë të pishinës.

Një garë e ngjashme është mbajtur në provincën Hunan gjatë qershorit, ku fituesi Tang Shuaihui ka arritur ta ha 50 speca të djegës për një minutë. /Telegrafi/