Thaçi: Korrupsioni është armiku më i madh i shoqërisë

Presidenti i vendit, Hashim Thaçi, ka thënë se korrupsioni është armiku më i madh i një shoqërie demokratike.

Thaçi, përmes një postimi në Facebook, ka thënë se aktivitetet në kuadër të Javës Kundër Korrupsionit janë shumë të rëndësishme për krijimin e një dinamike të re në luftën kundër kësaj dukurie negative.

“Korrupsioni është armiku më i madh i një shoqërie demokratike dhe aktivitetet në kuadër të Javës Kundër Korrupsionit janë shumë të rëndësishme për krijimin e një dinamike të re në luftën kundër kësaj dukurie negative”, ka shtuar Thaçi.

Ai më tej ka thënë se “Kosova ka krijuar legjislacionin më modern në rajon dhe institucionet duhet ta kenë rolin dominues në luftën kundër korrupsionit, por gjithsesi se nevojitet edhe një angazhim i fuqishëm qytetar, që kjo luftë të sjell rezultate më shumë”.

“Funksionalizimi i tërë mekanizmave që merren me zhbërjen dhe parandalimin e korrupsionit është hap jetik për forcimin e shtetit të së drejtës”, ka shkruar ai. /Telegrafi/